Поиск

ot 1. Chinni asboblarning sinigʻini ulash uchun ishlatiladigan, ikkala uchi qayrilgan metall mixcha.

Chega tushgan kosa. Tirishganning toʻqmogʻi toshga chega qoqadi. — Maqol

2. Idishlarning shunday mixchalar bilan ulangan, chegalangan yeri.

Piyolaning chegasidan suv sirqiyapti.

3. Yogʻoch mix.

ot 1. Bir-biriga qoʻshni, yondosh boʻlgan viloyat, tuman, hudud orasidagi had, boʻlinish, ajralish chizigʻi.

Endi Qorabuloq chegarasidagi dovondan oʻtib olishsa, u yogʻi oson. — M. Ismoiliy, Fargʻona tong otguncha

2. Qoʻshni davlatlarning suvdagi va quruqlikdagi hududini, doirasini koʻrsatuvchi chiziq.

Davlat chegarasi. Chegara soqchisi.

Qalandarlar chegaradagi nazorat punktidan xat-hujjatlarini koʻrsatib, Turkiston tuprogʻiga oʻtishdi. — K. Yashin, Hamza

3. Oxir, nihoya, poyon.

Choʻlning chegarasi yoʻqdek. — . R. Fayziy, Choʻlga bahor keldi.

4. koʻchma Chek, meʼyor; oʻlchov; doira.

Odob chegarasi.

Ammo u sabr-bardoshning ham chegarasi borligini allaqachon bilib olgan — X. Sultonov, Onamning yurti

Bu gazandalar vahshiyligining chegarasi yoʻq ekan-da! — T. Rustamov, Mangu jasorat

ot Singan chinni, sopol idishlarni chegalovchi, chega qiluvchi.

Eski Joʻvada hangama koʻp. Bir tomonda siniq chinnilar yamoqchisi — chegachilar gʻuv-gʻuvi avjida. — Oybek, Bolalik

sft. 1. Belgili chegara bilan oʻralgan, chegarasi boʻlgan, maʼlum chegara doirasidagi.

2. koʻchma Maʼlum talab, oʻlchov, meʼyor va shu kabilar bilan cheklangan; chekli, oʻlchovli; hisobli.

Nikolinning qalbini yangi bir qoʻrqinch tatalardi: oʻq-dori, oziq-ovqat unda chegarali edi. — Oybek, Quyosh qoraymas

fl. Singan chinni idish-asboblarni chega bilan ulamoq, butunlamoq.

Piyolani chegalagan bilan bari bir izi bilinib turadi. — "Sharq yulduzi"

Shu lahzada Qamchinbekning koʻzi chegalangan bir choynakka tushib qoldi. — Mirmuhsin, «Supurgiga sajda»

ot Davlat chegaralarini muhofaza qiluvchi harbiy xizmatchi; chegara xizmatchisi, soqchisi.

Mening yorim chegarachi — yovga yoʻl bermas. — Qoʻshiqlar