Поиск

ot Olibsotarlik; olib-sotish, olib-sotuv.

Koʻsa ertasiga kallai saharlab yetib keldi. Avji chayqov vaqti ekan, baqiriq-chaqiriqlar quloqni qomatga keltiradi. — Mushtum

fl. 1. ayn. Chaymoq.

Kunlardan birida bir toʻda bandi xotinlar togʻdan anhorga kir chayqagani tushishdi. — S. Ahmad, Hukm

2. U yon-bu yon tebratmoq.

Boshini chayqamoq.

Ulgʻay ena afsus bilan bosh chayqadi. — Sharq yulduzi

ot Olibsotarlik bilan shugʻullanuvchi shaxs, olibsotar; spekulyant.

ot Chayqov bilan shugʻullanish; spekulyatsiya.

Beliga oʻn-oʻn besh roʻmolni oʻrab olib bemalol chayqovchilik qilib yurgan emish. — S. Siyoyev, Yorugʻlik

fl. 1. Chayqamoq feʼlining majhul nisbati.

Chayqalgan kirlarni yoymoq.

2. U yon-bu yon tebranmoq, lapanglab harakat qilmoq.

Yurganda bukchayish, u yoq-bu yoqqa chayqalish, oyoqlarni bir-biriga urib yurish yaramaydi. — Fan va turmush

Chayqaladi dengiz beorom — Gʻayratiy

3. koʻchma Toʻlqinlanmoq, junbushga kelmoq, hayajonlanmoq

Yosh qalblar hayajondan toʻlqin kabi chayqaladi. — Yoshlik

Yuragida dard toʻlqini birdan kuchli chayqalib ketdi. — Oybek, Tanlangan asarlar

4. koʻchma Notinch, bezovta boʻlmoq.

Keksa dilingizga tushmasin titroq, Otalar, chayqalib turibdi olam. — A. Oripov

[Hilol buvi:] Nima gap oʻzi, nega zamon chayqalib qoldi? — Oybek, Ulugʻ yoʻl

fl. 1. Chayqamoq feʼlining orttirma nisbati.

Kirni ikki marta chayqatmoq.

2. Har yonga toʻlqinlatmoq, tebratmoq.

Suvni chayqatmoq.

Shamol oʻt-oʻlanlarni chayqatar, yovvoyi jiyda shoxlarini buydalardi. — S. Ahmad, Jimjitlik