«chaqirim» boʻyicha 41 ta natija: Izohli
ot Metrik oʻlchov sistemasi qabul qilingunga qadar qoʻllangan, 1,06 kilometrga teng qadimgi uzunlik oʻlchov birligi; bir kilometr.
Yodgor qizning bir marta kulib qarashini koʻrish orzusida sakkiz chaqirim naridan goh piyoda, goh oʻrtogʻining velosipedida kelib ketardi. — Oʻ. Hoshimov, Ikki eshik orasi
1. Oʻtkir qirrali, qirrador
Qiya tushib turgan oftobda chaqir toshlarning aksi suvga urib, jimir-jimir tovlanar edi — S. Anorboyev, Oqsoy
2. Chaqir koʻz ayn. chagʻir koʻz q. chagʻir
Vazirning novcha, chaqir koʻz oʻgʻli esa, hech narsani eshitmagandek, koʻzlarini baqraytirib turardi — M. Osim, Karvon yoʻllarida
fl. Chaqirim bilan oʻlchamoq, hisoblamoq.
Choʻllardan chaqirimlab emas, butun-butun oblast va rayon joylashadigan yerlarni ochamiz. — Oybek, Oltin vodiydan shabadalar
ot Delete.w
ot 1. Chaqirish maqsadida aytilgan soʻz, gaplar.
Gʻafur akaning: — Qochadigan odam yoʻq, kelavering, — degan hazilnamo chaqirigʻi eshitildi. — Shukrullo, Javohirlar sandigʻi
2. Biror xatti-harakatga undash, daʼvat qilish.
Demak, Boburning dunyo lazzatlaridan foydalanish toʻgʻrisidagi nasihat va chaqiriqlari hayotdagi turli-tuman koʻn-gilsiz, baxtsiz voqealardan gʻam chekishning oʻrniga tavsiya etilgan tadbirlardan edi. — OʻTA
Komandirning chaqiriqlari vzvod jangchilarini jasoratga chorlardi. — Nazarmat, Joʻrlar baland sayraydi
3. Xonadonda biror munosabat bilan oʻtkaziladigan mehmondorchilik, ziyofat.
Yaqinda bir tanishim qizining tugʻilgan kuni munosabati bilan mehmon chaqiriq qildi. — M. Ismoiliy, Odamiylik qissasi
4. tar. Shoʻro davrida: partiya, hukumat yoki syezd, qurultoy, majlis va shu kabilar tomonidan eʼlon qilingan murojaat, daʼvat yoki shiorlar.
May chaqiriqlari.
Boʻtaboy soʻzining oxirida chaqiriqqa oʻzining tayyor ekanini bildirdi. — A. Qahhor, Qoʻshchinor chiroqlari
5. Navbatdagi saylovdan keyin hamkorlikda ish olib boruvchi deputatlar tarkibi.
fl. 1. Nomini aytish, ovoz chiqarish yoki biror xatti-harakat vositasida muayyan joyga kelishga undamoq, chorlamoq.
Bir vaqt Kumush xola chaqirib qoldi: — Huv Qorakoʻz! Munda kel, bolam! — S. Siyoyev, Yorugʻlik
Xon qars urib, mulozimini chaqirdi. — S. Siyoyev, Yorugʻlik
Ahmedov imo bilan uni [Kanizakni] chaqirdi. — A. Qahhor, Qoʻshchinor chiroqlari
Boʻtaboy baland ovoz bilan brigadirlarni chaqirdi. — A. Qahhor, Qoʻshchinor chiroqlari
2. Oʻziga qaratish maqsadida nomini aytib yoki boshqa soʻzlar vositasida uzoqroq joydan turib murojaat qilmoq.
Koʻchaning narigi yuzidan uni kimdir chaqirdi. Hamroqul, chaqirgan kishiga qarayman, deb gandiraklab ketdi. — A. Qahhor, Asarlar
3. Taklif, daʼvat qilmoq.
Dehqon oʻzining yaqin qarindoshlarini va oshna-ogʻaynilarini mehmonga chaqiribdi. — Chalpak yoqqan kun
Quyosh tik kelganda, Choʻli bobo hammani ovqatga chaqirdi. — Mirmuhsin,Meʼmor
4. Biror ish, vazifa va shu kabilarni ado etishga yoki unda ishtirok etishga daʼvat qilmoq, undamoq.
Yordamga chaqirmoq. Musobaqaga chaqirmoq.
Rahbarlar Fotimaning ishini maqtab, hammani undan oʻrnak olishga chaqirardi. — T. Ashurov, Oq ot
Cholning jahli chiqib, zolim xonni urushga chaqirdi. — Chalpak yoqqan kun
Nikoh kuni samovar qaynatish ishiga boyning xotini Yoʻlchini chaqirdi. — Oybek, Tanlangan asarlar
5. Biror narsani keltirishni soʻramoq, buyurtma bermoq (oshxona, choyxona va shu kabilarda).
[Yoʻlchi] Choyxonalardan biriga kirdi. Ustunga suyanib, taxta karavotda oyogʻini uzatib oʻtirdi. Choy chaqirdi. — Oybek, Tanlangan asarlar
Uzing chaqirding, oʻzing buyurding. [Pulini] Toʻlayber! — A. Qahhor, Ogʻaynilar
6. Ollo(h)xudoegamparvardigor Kabi soʻzlar bilan birga qoʻllanib, vafot qildi, oʻldi degan maʼnoni anglatadi.
Ollo Farruxni oʻz dargohiga chaqirib olibdi. — S. Siyoyev, Yorugʻlik
7. Qichqirmoq, tovush chiqarib xabar bermoq.
Gudok chaqirdi.
Bu orada yana bir xoʻroz chaqirib oʻtdi. — M. Ismoiliy, Fargʻona tong otguncha
8. koʻchma Pirovardida biror natijaga olib kelmoq; keltirib chiqarmoq.
Uyqu kasal chaqirar. — Maqol
Ortiqcha kulgi yigʻi chaqiradi. — Gazetadan
Tut tepasida bir qargʻa boʻynini choʻzib, jon-jahdi bilan qagʻillab, qor chaqirardi. — Mirmuhsin, Qulamas qoya
yotaloq Hadeb yotaveradigan, koʻp yotadigan. Goʻroʻgʻli Chambil qalʼasiga qarab ketib borayotgan edi, Chambil qalʼasiga bir chaqirim yoʻl qolganda, Goʻroʻgʻlining tagidag
masofa Ikki narsa, ikki nuqta oraligʻi, bir yerdan ikkinchi yergacha boʻlgan oraliq. Shaharlar orasidagi masofa. Oʻrdagacha bir yarim chaqirim chamasi yoʻl boʻlib, Sulton
farsang esk. kt. Eskicha hisobda bir tosh; sakkiz chaqirim, yangicha hisobda taxminan 6 kilometrga teng boʻlgan uzunlik (masofa) oʻlchovi. Xusayin Boyqaro lashkari Mirzo
uzunlik Uzunasiga oʻlchami, boʻyi. Daryoning uzunligi. Sochning uzunligi. Sher-bek boʻlsa, qoʻlidagi lineykasi bilan qoʻzichoqning junini oʻlchar va daftariga uning uzunl
mustahkam Buzilish, uzilish, qulash va shu kabilar jihatdan chidamli; pishiq-puxta, mahkam. Mustahkam imorat. Mustahkam poydevor. Andijon qalʼasi mustahkam. Bobur mirzo u
o‘lka ayn. Mamlakat 1. Bir soʻz bilan aytganda, respublikamiz import oʻlkasidan eksport oʻlkasiga aylanib bormoqda. Gazetadan Mamlakatning maʼmuriy-hududiy birlikka ega b
Bir podshohning otlari oriqlab qolishi ortidan yuzaga kelgan voqea donishmand choʻponning aql-zakovati bilan bogʻliq qiziqarli sarguzashtlarga aylanadi. Choʻpon
Bu ertakda dono yigitning oʻziga munosib umr yoʻldoshini topish sarguzashtlari hikoya qilinadi. U yoʻlda uchragan turli savollar orqali boʻlajak rafiqasining aq
Bu ertakda Xizr xudoning inoyati bilan tugʻilgan qizning gʻaroyib xususiyatlari va uning boshidan kechirgan sarguzashtlari hikoya qilinadi. Qizning baxtiga koʻz
Shahzoda Shavkat sirli kiyikni quvib, oʻzga olamga tushib qoladi va u yerda parizod Mohistaraga oshiq boʻladi. Bu sarguzasht uning hayotini butunlay oʻzgartirib
Uch nogiron doʻst boyning yoniga ish soʻrab boradilar. Boy ularning har biriga oʻziga mos kelmaydigan ish beradi, bu esa kutilmagan oqibatlarga olib keladi.
Bu ertakda podsho va choʻpon oʻrtasidagi aql musobaqasi tasvirlanadi. Choʻpon oʻzining zukkoligi va topqirligi bilan podshoni lol qoldirib, adolatni tiklaydi.
uzunlik oʻlchovi, taxminan 7-8 chaqirim
