Qidiruv

rvsh. 1. Taxminan shu miqdorga teng.

Oradan yarim soat chamasi vaqt oʻtgan edi. — A. Qodiriy, Oʻtgan kunlar

Zaynab egachisi Xushroʻydan yetti yosh chamasi kichik edi. — A. Qodiriy Oʻtgan kunlar

Tank mendan uch-toʻrt yuz metr chamasi narida alanga ol-di. — N. Safarov, Olovli izlar

2. mod. s. Aftidan.

Chamasi, Azizbek osonlik bilan jon beradigan koʻrinmaydir. — A. Qodiriy, Oʻtgan kunlar

ot 1. Oʻlchov, meʼyor.

Har bir ishning chamasi bor, Har daryoning kemasi bor. — Maqol

2. Moʻljal, taxmin.

Chamamda soat uch boʻl-di. Chamangda shu qovun necha kilo keladi?

Ularning [odamlarning] chamalaricha, bu yerlarda ish hali uch-toʻrt kunga yetib ortardi. — Sharq yulduzi

3. mod. s. Mening fikrimcha: shekilli.

Chamamda, qiz oʻsha tomonga burilib oʻtirishni istardi. — Yoshlik

Laylo mening kelishimdan hayron boʻldi chamamda. — M. Qoriyev, Oydin kechalar

Каждое дело имеет свои пределы, а каждая река — свои корабли.

ot Gul koʻp joy; gulzor, chamanzor, gulshan.

Bulbul chamanin sevar, odam — vatanin. — Maqol

Kuz shamoli kirib chamanga, Axtaradi gullar atrini — Uygʻun

sft. Chamasidagi, chamasida boʻlgan.

Zaynab Kumushning toʻlib yetmagan gavdasi va oʻn olti yoshlar chamali, gʻubor tegmagan husniga hayron boʻlib, mulohazasini aytishdan qoʻrqdi. — A. Qodiriy, Oʻtgan kunlar

ot Odatda safarga chiqqanda kerak boʻladigan buyumlar solinadigan quti.

Latofat ertalab shoshib qolmaslik uchun kiyim-kechaklarini, xarid qilgan sovgʻalarini chamadoniga joylashtira boshladi. — L. Tojiyeva, Mehrim sizga, odamlar