Qidiruv

fl. 1. Musiqa asbobida biror kuy, ohang ijro etmoq.

Nogʻorachi yigit usta ekan! Shunday berilib, shunday terga botib chaldiki, osmon pardasini yirtib yuborguday boʻldi. — Oʻ. Hoshimov, Qalbingga quloq sol

2. Sado, ovoz chiqaradigan, signal beradigan asboblarni ishga solmoq.

Qoʻngʻiroq chalmoq. Gudok chalmoq. Oʻt oʻchirish mashinasi ustma-ust signal chaldi.

3. Biror aʼzo vositasida tovush, sado, ovoz chiqarmoq (odam haqida).

Sher chapak chalaman deb, qoʻlidan koʻkchani tushirib yuborishiga sal qoldi. — S. Anorboyev, Hamsuhbatlar

Ashur ikki barmogʻini ogʻziga tiqib, hushtak chaldi. — N. Aminov, Qahqaha

4. Sado, ovoz chiqarmoq (jonsiz narsalar haqida).

Men boray, kurtaklar kutib qoldilar Men boray, shamollar hushtak chaldilar. — Yoshlik

Yellar chalgan chapakdan Novdalar uxlar qonib. — Yoshlik

sft. 1. Maromiga yoki tamomiga yetkazilmagan, bitkazilmagan, tamomlanmagan.

Chala uy. Chala ish. Bola — bolaning ishi chala. — Maqol

Hali yana bir oz yashashdan umidvorman, chala ishlarim bor. — S. Nurov, Narvon

2. Toʻliq emas, notoʻla, yarim-yorti.

Kambagʻalning bir toʻygani — chala boy boʻlgani. — Maqol

Chalasiga biz qarzdor. — A. Qahhor, Oltin yulduz

3. Vaqtidan oldin, yetilmasdan tushgan, barvaqt tugʻilgan.

Qandli diabet xastaligi koʻpincha homilaning chala yoki majruh tugʻilishiga sabab boʻladi. — Saodat

4. ot Yonib bitmagan yoki kuyib tugamagan oʻtin.

Kullar koʻkka uchar, choʻgʻlar kulga botar, chalalar choʻgʻga aylanar edilar. — A. Qodiriy, Mehrobdan chayon

Ularning [odamlarning]yarim yumuq koʻzlari oʻchoqda biqsib, qizarib yonayotgan chalalarga tikilgan edi. — P. Tursun, Oʻqituvchi

5. sprt. Oʻzbek kurashiga oid atama.

6. Qoʻshma soʻzlar tarkibiga kiradi, masalan

chalabosh, chalasavod.

taql. s. Ovqat chaynaganda, loy kechganda chiqadigan va shu kabilar tovushlar haqida.

Chalp etib loyga tushmoq.

Uzun dastali katta oʻroq

Chol pichan gʻarami oldida chalgʻi charxlar edi — "Sharq yulduzi"

ot 1. Qoʻy-echki oyogʻi ostida toʻplanib, qatlam hosil qilgan goʻng.

Abdusamad ertalabdan kun qiyomga yetguncha pishillab chalma chopdi. — Sh. Boʻtayev, Qoʻrgʻonlangan oy

2. Mol goʻngidan katta chambarak qolipga solib yasalgan yoqilgʻi.

Chalma quymoq.

Sakkiz gektar chiqadigan oʻrikzorga qarash, bahor ayozlarida chalma tutatish Omonning boʻynida edi. — Sh. Xolmirzayev, Bodom qishda gulladi

Choponining ustidan chakmonini kiydi, boshini chalmasi bilan tangʻidi. Sh. — Toshmatov, Erk qushi

ot shv. Suzma yoki qatiqdan tayyorlangan chanqovbosdi ichimlik.

— Oʻtiring, chalob ichasizmi? — dedi Inod. — Sh. Xolmirzayev, Ogʻir tosh koʻchsa

Tayyor chalob isteʼmoldan oldin sovitiladi yoki muz solinadi. — OʻzME

Shaymon chol endigina somondan qaytib, ayvonda chalob ichib oʻtirardi. — N. Norqobilov, Bekatdagi oq uycha