1. Yomon; qoniqarsiz.
Bu yerda uning turmushi chakki boʻlmadi. — S. Anorboyev, Oqsoy
— Gʻoʻzalarimiz chakki emas, — deydi polvon. — A. Qodiriy, Obid ketmon
— Bashoratdan boshqa hammamiz umuman chakki baho olmadik, — dedi Zaynab. — Sharq yulduzi
2. Nojoʻya, nooʻrin.
Chakki yursang, dakki yersan. — Maqol
— Chakki gap aytgan boʻlsam, uzr, otaxon, — yigit xijolatda qolgan edi. — Guldasta
3. Bekor, behuda.
Asli bugun ham chakki ovora boʻlgansiz. — A. Qodiriy, Mehrobdan chayon
— Bu kishini chakki umidvor qilibsiz, mendan bir ogʻiz soʻrasangiz, yomon boʻlmas edi, — dedi kinoya bilan [direktor]. — S. Karomatov, Hijron
- Chakki qilmoq Yomon ish qilmoq; xato qilmoq. Keksa odamning dilini ranjitib, chakki qilibsan. — Gazetadan