Қидирув

сфт. 1. Доналаб, майдалаб ёки кичик тўп билан сотиладиган ва сотиб олинадиган.

Чакана савдо.

Чакана нархларни ўзгартириш мумкинлиги, шубҳасиз, ҳозирги пайтда энг мунозарали масаладир. — Газетадан

2. Унчалик аҳамиятга эга бўлмаган; арзимас, майда-чуйда.

Хосият холанинг эрлари ҳам чакана пахтакор бўлмаган эканлар. — Р. Файзий, Чўлга баҳор келди

Гўшт-ёғ ўз қўлингизда. Даромад ҳам чаканамасдир? — С. Анорбоев, Оқсой

Чакана гапга қулоқ ёʻқ. Иш кечикади. — Ҳ. Назир, Сўнмас чақмоқлар

3. шв. Майда чорва моллари, қўй-эчки ва аҳолига тегишли шундай молларни боқувчи.

Шу кундан эътиборан аскар чакана чўпон бўлди Адирда узун кун чакана мол боқди. — Т. Мурод, От кишнаган оқшом

от Чакана савдо қилувчи, чакана савдо билан шуғулланувчи.

рвш. Доналаб, майдалаб, чакана.

Чаканалаб олмоқ. Чаканалаб сотмоқ.

[Тожибой] Ҳатто қалампирдан тортиб, сақич, қуртгача олиб чиқиб қўяр, зориққанларга чаканалаб сотар эди. — С. Зуннунова, Гулхан

от Чаканачи касб-кори.

с. т.

Ғунажин пулланди. [Нодир] Чакана-чукана қарзлардан қутулди. — Ж. Абдуллахонов, Тўфон