Qidiruv

sft. 1. Donalab, maydalab yoki kichik toʻp bilan sotiladigan va sotib olinadigan.

Chakana savdo.

Chakana narxlarni oʻzgartirish mumkinligi, shubhasiz, hozirgi paytda eng munozarali masaladir. — Gazetadan

2. Unchalik ahamiyatga ega boʻlmagan; arzimas, mayda-chuyda.

Xosiyat xolaning erlari ham chakana paxtakor boʻlmagan ekanlar. — R. Fayziy, Choʻlga bahor keldi

Goʻsht-yogʻ oʻz qoʻlingizda. Daromad ham chakanamasdir? — S. Anorboyev, Oqsoy

Chakana gapga quloq yoʻq. Ish kechikadi. — H. Nazir, Soʻnmas chaqmoqlar

3. shv. Mayda chorva mollari, qoʻy-echki va aholiga tegishli shunday mollarni boquvchi.

Shu kundan eʼtiboran askar chakana choʻpon boʻldi Adirda uzun kun chakana mol boqdi. — T. Murod, Ot kishnagan oqshom

ot Chakana savdo qiluvchi, chakana savdo bilan shugʻullanuvchi.

rvsh. Donalab, maydalab, chakana.

Chakanalab olmoq. Chakanalab sotmoq.

[Tojiboy] Hatto qalampirdan tortib, saqich, qurtgacha olib chiqib qoʻyar, zoriqqanlarga chakanalab sotar edi. — S. Zunnunova, Gulxan

Chakana savdo

ot Chakanachi kasb-kori.

s. t.

Gʻunajin pullandi. [Nodir] Chakana-chukana qarzlardan qutuldi. — J. Abdullaxonov, Toʻfon