Қидирув

сфт. Узумнинг маҳаллий, винобоп нави.

Ишкомларда узумлар мушт-мушт бўлиб ётибди қирмиска ёки бувакими, тоифи ё бўлмаса чаросми. — Газетадан

от 1. с. т. Бобо.

Буваси иш қилса, Нигора кўмаклашар, Оҳ, оҳ, эрмаккинам, дастёргинам! — деб хурсанд бўларди буваси. — С. Анорбоев, Оқсой

Бувамнинг сўзлари оҳиста қайнаб турган зилол булоқни эслатарди. — Саодат

2. Гап кетаётган, тилга олинаётган шахснинг ёши катта, кекса эканлигини, унга ҳурмат, яқинликни ифодалайди.

Раис бува билан турадиган уйларингизни кўриб келди. — С. Аҳмад, Уфқ

Боғбон бува билан Зарифа опа Муродни бағирларига босиб ўпишди. — Т. Ашуров, Оқ от

Очил бува бугун чинор билан хайрлашмоқда. — А. Мухтор, Асарлар

от шв. Янги туғилган бола, чақалоқ.

Бувак, қорни тўқ бўлса-да, аллани соғинади. — С. Сиёев, Аваз

— Нима бўлди, айцангиз-чи? — деди Салтонбу, кўкрагига зулукдек ёпишиб олиб эмиб ётган ориқ, заҳил, оёқлари ингичка, қорни катта бувагини тиззасига ўтқазиб. — М. Исмоилий, Фарғона тонг отгунча

от айн. Бободеҳқон.

Раёнга маълумотни юборибоқ ўчоққа олов ёқтирибсиз-да, Фармонқул ака, бувадеҳқонники бехато чиқаверади, деб ўйлагандирсиз-да. — С. Маҳкамов, Шогирд

от Бувайда ҳудудида яшовчи шахс.