Қидирув

фл. 1. Ажин билан қопланмоқ.

Янганинг бурушган, кесакранг чеҳраси ёришиб, супага, дастурхон тепасига келди. — С. Нуров, Майсаларни аёз урмайди

У [Анзират хола] олтмишларга бориб қолган, нимжон, юзи жуда бурушган бўлса ҳам, қизил, товуши майин ва ёқимли бир кампир эди. — А. Қаҳҳор, Қўшчинор чироқлари

Болалардан кейин юзлари шафтолиқоқидай бурушган алла-қандай митти кампирлар, мункиллаб қолган кўса чоллар кўринди. — О. Ёқубов, Излайман

2. Бирор руҳий таъсир натижасида тиришмоқ, чимирилмоқ.

Унинг тишлари ғирчиллаб кетди, афт-башараси бурушди. — Ў. Усмонов, Сирли соҳил

Юмари ташвиш ва қандайдир мажҳулият ҳисси билан бурушди. — Ойбек, Қуёш қораймас

3. Қуришиб ёки тортишиб қат-қат бўлмоқ, бужмаймоқ.

Бурушиб қолган олма.

Ҳаммадан Аҳмаднинг туриши аломат: бошидаги оқ қалпоғи эзилиб бурушиб кетгани учунми, афтини ошпазларга ўхшатиб юборибди. — Ҳ. Назир, Сўнмас чақмоқлар

сфт. 1. Ажин босган, бурушган.

Йигит унинг букилган қаддида, бурушиқ юзларида оддий қарилик ожизлигини эмас, балки қуллик изтироби ва синган ғурурнинг забунлигини кўрди. — Ойбек, Қуёш қораймас

2. Суви қочиб қолган, бужмайган.

Бурушиқ олма.

3. от Терининг, матонинг ва шу кабиларнинг бурушган, тиришган жойи; бурма, қат.

Кийимнинг бурушиғи.

Шокир отанинг юз бурушиқларида ғам мавжланган каби туюлди. — Ойбек, Танланган асарлар

сфт. 1. Бурушган, бурушиқ.

Бурушқоқ олма.

Кампир аллақандай бўлиб кетди тишсиз оғзи очилиб қолди, бурушқоқ лаблари титрай бошлади. — У. Назаров, Одамлар

2. Бекорга, салга бурушиб, тиришиб қолаверадиган.

Бурушқоқ газлама.

фл. Бурушмоқ феълининг орттирма нисбати.

Ойимхон бу гапларни лабларини буруштириб, шундай бир оҳангда айтдики, ҳамма баравар кулиб юборди. — П. Турсун, Ўқитувчи

Жуда ҳам ажин босган, бурушиб, тиришиб кетган.

Скелет каби нуқул суякдан иборат бўлган кичкина хотин, бурушиқ-тиришиқ юзи — олқинди совун. — Ойбек, Танланган асарлар

сфт. 1. Юзи, башараси бурушган.

Гулсанам қамчи зарбидан чинқириб, ўрнидан турган эди, бадбуруш бир киши уни қисқичдай қўллари орасига олди. — С.Кароматов, Бир томчи қон

2. Ҳайбатли, қўрқинчли.

Ҳар бири эшакдай келадиган учта ити занжирда. Бадбуруш зўр итлар. — Ойбек, Болалик

Нусратилланинг қора, чўтир юзи ситилган бақадай бадбуруш бўлиб кетди. — А. Мухтор, Опа-сингиллар

Ростини айцам, эшитган эдим-у, аммо эчкемарнинг бундақанги каттасини, бадбурушини кўрмаган эдим. — Й. Шамшаров, Тошқин