Qidiruv

sft. 1. Oʻtgan yil (oy, kun, hafta)dan oldingi.

Burnogʻi kun. Burnogʻi oy.

Burnogʻi yili terakka oʻn xil atirgul payvand qilgan. — S. Ahmad, Sud

Burnogʻi yili otasi bezgak bilan ogʻrib qazo qilganidan beri roʻzgʻor Abdu Sirojning yosh boshiga tushib qoldi. — R. Rahmon, Mehr koʻzda

Burnogʻi qishning oxirlari edi. Men qandaydir yumush bilan, eshikni taqillatmasdan, bekaning uychasiga kirdim. — Yoshlik

2. kam qoʻll. Burun yashab oʻtganlar, burungilar.

Burnogʻilar masalidurki, boʻlar ishning boshiga, yaxshi kelur qoshiga. — Gulxaniy, Zarbulmasal

1. Boburnoma — jahon adabiyoti va manbashunosligidagi muhim va noyob yodgorlik; oʻzbek adabiyotida dastlabki nasriy memuar va tarixiy-ilmiy asar.

2. Muallifi Zahiriddin Muhammad Bobur. Eski oʻzbek (chigʻatoy) tilida yozilgan (taxminan 1518/19—1530). “Boburiya”, “Voqeoti Bobur”, “Voqeanoma”, “Tuzuki Boburiy”, “Tabaqoti Boburiy”, “Tavorixi Boburiy” kabi nomlar bilan ham maʼlum. Boburning oʻzi esa Vaqoye va Tarix degan nomlarni ishlatgan.

3. Boburnomada 1494—1529 yillarda Markaziy Osiyo, Afgʻoniston va Hindistonda sodir boʻlgan tarixiy-siyosiy voqealar yilma-yil oʻta aniqlik bilan bayon qilingan boʻlib, ular muallif hayoti va siyosiy faoliyati bilan bevosita bogʻliqdir.