фл. 1. Доиравий ҳаракатга келтирмоқ, айлантирмоқ.
У телефонни қанча бураса ҳам, жавоб бўлмади. — Ш. Рашидов, Бўрондан кучли
Дуторчи дуторининг қулоғини жаҳл билан қаттиқ бураб, торини узиб юборди. — А. Қаҳҳор, Қаноциз читтак
Азонда Муроднинг уйқуси қочди. Бош томонидаги столда турган муштдайгина радионинг қулоғини буради. — М. Ҳазратқулов, Журъат
2. Ўраб, айлантириб, бурама шаклга киритмоқ, эшмоқ.
Арқонни бурамоқ.
Сидиқжон мўйловини бураб, кулимсиради ва ер остидан Зуннунхўжага қаради. — А. Қаҳҳор, Қўшчинор чироқлари
Қозиқ лиқиллай бошлаганида, ердан чиқдим и, осмондан тушдими, ишқилиб, биров қулоғини бураб тортди. — Шарқ юлдузи
Бекнинг асабийлиги ниҳоясига етди ва у Лаълининг сочидан бураб, теракзорга судраб кетди. — Ҳ. Ғулом, Машъал
3. Айлантириб жойига туширмоқ, маҳкамламоқ ёки жойидан чиқармоқ, бўшатмоқ.
Гайкани бурамоқ.
Дарвозадан ичкарига кириши билан, ғаладонни очиб, шурупларини бурашгани бурашган. — С. Нуров, Нарвой
4. Пружинали механизмларни ҳаракатга келтирмоқ.
Соатни бурамоқ. Ўйинчоқни бурамоқ.
Шу машинанинг қулоғини бурасанг, лаганча чир-чир айланиб, ашула, дутор, танбур ванғирлайверади. — Ойбек, Танланган асарлар
Эрининг қўлидаги соатни олиб буради. — С. Аҳмад, Уфқ
Кампир минди ёғоч отни, Буради пўлат мурватни. — Муродхон
- Бураб гапирмоқ 1. Ҳар сўзни алоҳида таъкид, аксент билан ажратиб гапирмоқ. Элмуродга рота командири ёқмади: тили қалампирдек аччиқ, ҳар гапни писанда қилгандай бураб гапиради. — Шуҳрат, Шинелли йилларУлар \қўноқлар] бизнинг тилимизда сал бураб гапиришарди. — ЁшликКейин чапанича бураб гапирди. — М. Қориев, Ойдин кечалар
- Бураб емоқ Зўрлик билан тортиб олиб емоқ. Биров сўраб ейди, Биров бураб ейди. — Мақол
- Қулоғини (ёки думини) бураб қўймоқ Тартибга чақириб, танбеҳ бериб қўймоқ. Думини мундай бураб қўй, ортиқ акилламасин. — Ойбек, Олтин водийдан шабадалар