«буқаламунлик» бўйича 2 та натижа: Изоҳли
от Ўзгарувчанлик, мослашувчанлик; тайини ёʻқлик, бирдек турмаслик.
Мирзонинг бахти учун ҳозирдан бошлаб тадбирлар кўрмоқ зарур. Нечунким, тақдирнинг буқаламунликлари бениҳоятдир. — Ойбек, Навоий
Алоиддин Машҳадий дунёнинг буқаламунлиги ҳақида шикоятланди. — Ойбек, Навоий
от 1. от зоол. Жанубий Осиё-да тарқалган, дарахтда яшовчи, судралиб юрувчи, шароитга қараб рангини ўзгартиб турувчи калтакесаксимон жонивор; хамелеон.
Назирбой тўғри айтади: буқаламун шароитга қараб тусини ўзгартади. Ж. Шарипов, Хоразм.
Вой, дийдорингни ел есин-э, буқаламуннинг ўзисан. — Т. Тўла, Асарлар
Жаҳоннинг иши худди буқаламунга ўхшайди. — Ойбек, Улуғ ёʻл
Савдогарчилик касби одамни буқаламун қилиб қўяди чоғи. — Ёшлик
2. сфт. кўчма Ўзгарувчан, бирдек турмайдиган; ранг-баранг.
— Бу буқаламун фалакнинг гардишига боқ, чироғим! — деди Шокир ота. — Ойбек, Танланган асарлар
