Қидирув

сфт. 1. Оёқ босиб бўлмайдиган бўш лой ва шундай лой билан қопланган ер, май-дон; ботқоқлик, ботқоқзор.

Бақа ботқоғини қумсар, балиқ — кўлини. — Мақол

Эшак югурар қатқоқда, ҳоли маълум ботқоқда. — Қанотли сўзлар

Ариқни ботқоқдан тозалаб турмасанг, келадиган сув ҳам кейинчалик камайиб, охири бутунлай келмай қолиши мумкин. — Шукрулло, Сайланма

2. сфт. Бўш лойли, шундай лой билан қопланган.

Ботқоқ ва балчиқ ерларда олиб бориладиган деҳқончиликни биз бир қатор халқларда ҳануз учратамиз. — К. Маҳмудов, Қизиқарли пазандалик

3. кўчма Салбий муҳит, гирдоб.

Улар мени жиноят ботқоғига итармоқчи бўлдилар. — Ш. Рашидов, Бўрондан кучли

Баландпарвоз мақтанчоқлик билан осмонга қараб, неча йиллик турғунлик ботқоғидан қандай ўтиб келганимизга ҳайронман. — Газетадан

Хизмат бурчи нуқтаи назаридан олиб қаралганда маёр ҳақ: жиноятчилик ботқоғидан тор-тиб чиқариб, одам қаторига қўшиш керак. — Ёшлик

сфт. Ботқоқ ерлари кўп бўлган; ботқоқ билан қопланган.

Ботқоқли ерлар.

от 1. Доимо ва узоқ вақт нам ва захдан балчиқ ва лой ҳолатда ётиш.

Ёʻллар ботқоқлигидан юриб бўлмайди.

2. Ботқоқ ерлардан иборат бўлган жой; ботқоқзор.

Ер юзасининг 21,3 миллион квадрат километрини музликлар, кўллар, ботқоқликлар эгаллаган. — Фан ва турмуш

Белгача совуқ сув ичида, ботқоқликда пуд-пудлаб лойни жуда юқориликка отиш керак. — Ж. Шарипов, Хоразм

Эҳтимол, улар шоликорликда ботқоқлик ва ачима ерлардан фойдаланганлар. — К. Маҳмудов, Қизиқарли пазандалик

от Ботқоқликдан иборат жой.

Ботқоқзорни қуритмоқ. Ботқоқзордан ўтмоқ.

табиий шароитларда органик моддаларнинг анаероб муҳитда микробиологик парчаланганида (асосан ўсимлик қолдиқлари) ҳосил бўладиган газлар аралашмаси. Б.г. ёнувчан ва асосан метан (20 дан 95% гача), карбонат ангидрид ва азотдан таркиб топган.

фл. Ботқоқликка айланмоқ.

Тупроқларни текширишдан асосий мақсад маълум ҳудуддаги тупроқнинг типи ва хилларини аниқлаш шўрланиш ва бот-қоқланиш жараёнларини ўрганишдир. — М. Баҳодиров, Тупроқшуносликдан амалий машғулотлар