Қидирув

от 1. Бошқариб, ёʻналтириб турувчи.

Бошқарувчи аъзоларга бош мия, юрак, икки мояк ва жигар киради. — Абу Бакр Розий

2. Бошқарма ва умуман корхона, муассаса, ташкилот ва шу кабилар бошлиғи, раҳбари.

Охунбобоев стол устидаги қора телефонлардан бирининг трубкасини кўтарди: — Мени давлат банкининг бошқарувчиси билан уланг. — Ҳ. Ғулом, Тошкентликлар

Бошқарувчининг имоси билан Ниёз тоға ташқарига отилди. — Н. Аминов, Тилло табассумлар

фл. 1. Корхона, муассаса, ташкилот ва шу кабилар ишини идора қилмоқ, ёʻлга солиб турмоқ.

Заводни бошқармоқ.

Йирик-йирик қурилишларни бошқардим. — Э. Самандаров, Дарёсини ёʻқотган қирғоқ

2. Юргизмоқ, тебратмоқ, олиб бормоқ (хўжалик, рўзғор; давра ва шу кабиларни).

уйимни бошқарадиган бирдан-бир фарзандим — шу қизим. — С. Айний, Эсдаликлар

Оила бошлиғи — Зуннунхўжа, рўзғорни кампир бошқаради — А. Қаҳҳор, Қўшчинор чироқлари

Бу гал ҳам ўтиришни Сайҳоний бошқарарди. — Ёшлик

3. Тегишли мослама ва усуллардан фойдаланиб ҳаракатга келтирмоқ, ишга солмоқ, юргизмоқ, ҳайдамоқ.

Кемани бошқармоқ. Машинани бошқармоқ.

Пайғамов машинани ўйчан бошқариб борар вижирлаб турган тўрғайлар нағмасини эшитмасди. — С. Нуров, Майсаларни аёз урмайди

4. тлш. Синтактик алоқа қонуниятларига мувофиқ маълум келишик шаклини талаб қилмоқ.

Ўтимли феъллар тушум келишигини бошқаради.

5. фолк. Кўрсатмоқ, бошлаб бормоқ, етакчилик қилмоқ.

Ёʻл бошқариб, яшов кўриб боради, Эргаштириб кўчган Қўнғирот элатини. — Ёдгор

Ҳаялламай ёʻл бошқаргин шу замон, Жўнаб кецин бундан боланг Рустамжон. — Муродхон

6. Тўғриламоқ, ёʻналтирмоқ.

Ғўза эгатига сувни бошқариб қўярди-ю, ўзи пайкалнинг этагига тушиб кетарди. — Ёшлик

Мустафо тағин юмшади: — Бор, сувингни бошқариб кел. — М. М. Дўст, Галатепа қиссалари

от Давлат бошқаруви тизимида бирор йирик тармоқ ёки хўжалик соҳасида юқори (олий) ёки ўрта бўғиндаги идора, ташкилот.

Сув хўжалиги бошқармаси. Ободонлаштириш бошқармаси. Марказий банкнинг вилоят бошқармаси.

Искандаров бошқармадан эшитадиганини эшитди. — С. Аҳмад, Лаъли Бадахшон

Университетда ҳам, геология бошқармасида ҳам домлани қўллаб-қувватлайдиган одамлар борлигини орқаворатдан эшитган эди. — С. Кароматов, Олтин қум

от 1. айн. Бошқариш 1.

Иш(ни) бошқарув. Бошқарув аппарати. Уз-ўзини бошқарув органлари.

Бошқарув аппарати қисқартирилган бўлса ҳам ҳамон катта бўлиб турибди. — Газетадан

Операторлар бошқарув пулти ёнидан жой эгаллашди. — Ўзбекистон қўриқлари

2. Давлатни идора қилиш усули.

Президентлик бошқаруви.

3. тлш. Синтактик алоқа талабига кўра тобе сўзнинг ҳоким сўзга маълум келишик шакли ёки кўмакчи ёрдамида боғланиши.

Тобе сўзнинг ҳоким сўз талабига кўра маълум келишик ёки кўмакчилар орқали боғланиши бошқарув деб аталади. — Ўзбек тили дарслиги

иқт. Хўжалик обектининг иқтисодий тизими ҳолатини тартибга солиш ва ёʻналтириш жараёни

Бошқаришнинг иқтисодий усули. Бошқаришнинг маъмурий усули

фл. Бошқармоқ феълининг мажҳул нисбати.

Бошқариладиган ракета. Бошқариладиган бомба.

Ҳужайралар ва умуман организмнинг ғоятда хилма-хил вазифалари ҳужайра мембраналари ёрдамида бошқарилади. — Фан ва турмуш