sft. 1. Zikr qilingandan, aytilgandan, koʻrilgandan yoki koʻzda tutilgandan boʻlak; oʻzga.
Joni boshqaning tani boshqa. — Maqol
Boshqaning tilla-gavharidan onangning sariq chaqasi yaxshi. — Qanotli soʻzlar
Bizga bosh boʻlib turgan odam shunaqa deb oʻtirsa, boshqalardan nima oʻpkalaymiz. — A. Qahhor, Qoʻshchinor chiroqlari
— Qiz koʻnmaydimi, demak, uning koʻngli boshqa birovda, — dedi Qadamboy ogʻa. — S. Siyoyev, Yorugʻlik
uning qalbi goh-goh boshqa bir qiz yodi bilan toʻlib-toshar edi. — Oybek, Tanlangan asarlar
Menga boshqa soʻzingiz boʻlmasa, sizga javob. — A. Qahhor, Qoʻshchinor chiroqlari
2. Mustaqil, alohida; biror xususiyati bilan farq qiladigan; boshqacha, oʻzgacha.
Oʻnta boʻlsa, oʻrni boshqa, qirqta boʻlsa — qiligʻi. — Maqol
Bilak — bir, barmoq — boshqa. — Maqol
[Abdurahmonboy:] Taqsir, aslida koʻtar maliklarning eli boshqa, suvi boshqa boʻlgan. — N. Safarov, Husnijamol
Bu haqda boshqa fikr boʻlmagan i uchun, maorifdan boshqa muallim soʻrashga qaror qilindi. — A. Qahhor, Qoʻshchinor chiroqlari
Sen meni kim bilan tenglashtirmoqchisan?-Gulnor boshqa, men boshqa demoqchi — Oybek, Tanlangan asarlar
— E, u vaqtlar, — dedi xoʻrsinib Rixsi xola, — boshqa edi. — S. Zunnunova, Yangi direktor
3. Begona, oʻzga, yot; birov.
Boshqalar oldida uyaltirib qoʻymoq.
— Pichoqni oʻzingga ur, ogʻrimasa — boshqaga, degan bir gap bor, — dedi jiddiy vaziyatda qutidor. — A. Qodiriy, Oʻtgan kunlar
4. rvsh. Tagʻin, yana, qayta, takroran.
Keyin yotoqxonaga borguncha bu gapga boshqa qaytishmadi. — Oʻ. Usmonov, Qismat
Qodir boshqa ichmaslik sharti bilan ikkinchi piyolaning yarmini ichishga rozi boʻldi. — A. Qahhor, Asarlar
5. koʻm. vzf. (chiqish kelishigi soʻz bilan) Boʻlak, tashqari.
Bundan boshqa.
— Menga qolsa, oʻrtada shundan boshqa hech gap yoʻq, oʻgʻlim! — dedi [hoji]. — A. Qodiriy, Oʻtgan kunlar
- Boshqa boʻlmoq 1. Ajralib, boʻlak boʻlib chiqmoq. Kichik oʻgʻli oʻylanib, boshqa boʻldi;bu men bilgan, sinagan Fotima emas. Endi oʻzgarib, tamom boshqa boʻlib qolgan. — P. Tursun, Oʻqituvchi
- Boshqa gap 1. Shunday demaysizmi; shunday desangiz durust. — Mana bu boshqa gap, — dedi mirshabboshi tirjayib — Gazetadan— Ha, bunday degin, — Mirzakarimboy gapni davom ettirdi, — bu endi boshqa gap. — Oybek, Tanlangan asarlar— Kucher ahli ham tiriklikda uyquga qonadimi, uka? Oʻlganda — boshqa gap, — deb javob berdi — Joʻra. Oybek, Tanlangan asarlarBu kampirning ustidan qayoqqa dod deb boraman, biron joyda ishlasa boshqa gap edi. — Mushtum