Қидирув

сфт. 1. Зикр қилингандан, айтилгандан, кўрилгандан ёки кўзда тутилгандан бўлак; ўзга.

Жони бошқанинг тани бошқа. — Мақол

Бошқанинг тилла-гавҳаридан онангнинг сариқ чақаси яхши. — Қанотли сўзлар

Бизга бош бўлиб турган одам шунақа деб ўтирса, бошқалардан нима ўпкалаймиз. — А. Қаҳҳор, Қўшчинор чироқлари

— Қиз кўнмайдими, демак, унинг кўнгли бошқа бировда, — деди Қадамбой оға. — С. Сиёев, Ёруғлик

унинг қалби гоҳ-гоҳ бошқа бир қиз ёди билан тўлиб-тошар эди. — Ойбек, Танланган асарлар

Менга бошқа сўзингиз бўлмаса, сизга жавоб. — А. Қаҳҳор, Қўшчинор чироқлари

2. Мустақил, алоҳида; бирор хусусияти билан фарқ қиладиган; бошқача, ўзгача.

Ўнта бўлса, ўрни бошқа, қирқта бўлса — қилиғи. — Мақол

Билак — бир, бармоқ — бошқа. — Мақол

[Абдураҳмонбой:] Тақсир, аслида кўтар маликларнинг эли бошқа, суви бошқа бўлган. — Н. Сафаров, Ҳуснижамол

Бу ҳақда бошқа фикр бўлмаган и учун, маорифдан бошқа муаллим сўрашга қарор қилинди. — А. Қаҳҳор, Қўшчинор чироқлари

Сен мени ким билан тенглаштирмоқчисан?-Гулнор бошқа, мен бошқа демоқчи — Ойбек, Танланган асарлар

— Э, у вақтлар, — деди хўрсиниб Рихси хола, — бошқа эди. — С. Зуннунова, Янги директор

3. Бегона, ўзга, ёт; биров.

Бошқалар олдида уялтириб қўймоқ.

— Пичоқни ўзингга ур, оғримаса — бошқага, деган бир гап бор, — деди жиддий вазиятда қутидор. — А. Қодирий, Ўтган кунлар

4. рвш. Тағин, яна, қайта, такроран.

Кейин ётоқхонага боргунча бу гапга бошқа қайтишмади. — Ў. Усмонов, Қисмат

Қодир бошқа ичмаслик шарти билан иккинчи пиёланинг ярмини ичишга рози бўлди. — А. Қаҳҳор, Асарлар

5. кўм. взф. (чиқиш келишиги сўз билан) Бўлак, ташқари.

Бундан бошқа.

— Менга қолса, ўртада шундан бошқа ҳеч гап ёʻқ, ўғлим! — деди [ҳожи]. — А. Қодирий, Ўтган кунлар

сфт. Бошқалардан бирор жиҳатдан ёки бутунлай фарқ қиладиган; ўзгача, бошқа, бўлакча.

Агар гап шундай экан, сиз билан бошқача гапиришамиз. — С. Зуннунова, Янги директор

Бир онадан алвон хил бола туғилади деганларидек, Анварнинг яратилиши оғаларига нисбатан бошқача эди. — А. Қодирий, Меҳробдан чаён

Сафарбойнинг кўриниши отасига ўхшаса ҳам, қилиқлари тамом бошқача эди. — Н. Аминов, Қаҳқаҳа

Сен билмайсан-да, Асрора, Дилдор чўлга келиб, бошқача бўлиб қолган. — С. Аҳмад, Уфқ

Бунинг бошқачароқ бир эпини топиб бўлмасмикан? — А. Қодирий, Ўтган кунлар

от Бир-бирига ўхшамаслик; бошқа бўлишлик.

Шароитнинг бошқалиги.

Тилим билан кўнглимнинг бошқалигини исбот қилингиз. — А. Қодирий, Ўтган кунлар

от Давлат бошқаруви тизимида бирор йирик тармоқ ёки хўжалик соҳасида юқори (олий) ёки ўрта бўғиндаги идора, ташкилот.

Сув хўжалиги бошқармаси. Ободонлаштириш бошқармаси. Марказий банкнинг вилоят бошқармаси.

Искандаров бошқармадан эшитадиганини эшитди. — С. Аҳмад, Лаъли Бадахшон

Университетда ҳам, геология бошқармасида ҳам домлани қўллаб-қувватлайдиган одамлар борлигини орқаворатдан эшитган эди. — С. Кароматов, Олтин қум

от 1. айн. Бошқариш 1.

Иш(ни) бошқарув. Бошқарув аппарати. Уз-ўзини бошқарув органлари.

Бошқарув аппарати қисқартирилган бўлса ҳам ҳамон катта бўлиб турибди. — Газетадан

Операторлар бошқарув пулти ёнидан жой эгаллашди. — Ўзбекистон қўриқлари

2. Давлатни идора қилиш усули.

Президентлик бошқаруви.

3. тлш. Синтактик алоқа талабига кўра тобе сўзнинг ҳоким сўзга маълум келишик шакли ёки кўмакчи ёрдамида боғланиши.

Тобе сўзнинг ҳоким сўз талабига кўра маълум келишик ёки кўмакчилар орқали боғланиши бошқарув деб аталади. — Ўзбек тили дарслиги

basqasha