Қидирув

от 1. Қобиғи олинмаган қамишдан бўйрага ўхшатиб тўқилган қалин, дағал тўшама.

Қамишдан уй-рўзғор учун бордон ва бўйра тўқишади: меваларни қуритишда фойдаланилади. — М. Тўйчиев, Қамиш

Низомжон бордонни шитирлатмай, оҳиста кийиниб, чодирдан чиқди. — С. Аҳмад, Уфқ

Катта кўчани кесиб ўтадиган ариқ бўйида сершох тол тагига сув сепиб, бордон тўшаб қўйилган эди. — И. Раҳим, Чин муҳаббат

2. Шундай тўқимадан тайёрланган махсус қоп, идиш.

Бир бордон буғдой.

Ўч олишнинг моҳирисан танқид этган кимсадан, Шахсият дони қуйилган ё чувуқ бордонмисан? — Ж. Абдулла, Кимсан?

сфт. 1. Гўшт учун боқиб семиртирилган мол.

Бўрдоқи қўй. Бўрдоқига боқмоқ.

Бўрдоқини сўйишга қассобни чақирайми? — Ҳамза, Танланган асарлар

Орадан икки ой ўтгандан кейин қараса, қўй бинойидек бўрдоқи бўлиб қолибди. — А. Мухтор, Тонг билан учрашув

Ярим ойлик моянасига саккизта бўрдоқи товуқ келади. — С. Аҳмад, Сайланма

2. кўчма Бекор ётиб ёки бировнинг ҳисобига яшаб семирган одам ҳақида.

Ҳа ўша бир умр меҳнаткашнинг сувини сиқиб ичган бўрдоқи Матқовулнинг ўзи. — А. Мухтор, Опа-сингиллар

Бўрдоқидай лорсиллаб кетяпсан кундан-кунга, озишинг керак. — Ж. Абдуллахонов, Хонадон

3. кўчма Бўлиқ, тўлиқ, етилган.

Бўрдоқи ҳар бир кўсак. Етилган дурдонамиз. — Р. Бобожон, Танланма

шарт. боғл.с.т. Мабодо, агар, башарти.

Борди-ю, ҳеч нарсага эриша олмасак, режа бузилади. — Х. Тўхтабоев, Йиллар ва ёʻллар

кўзига тўсатдан Канизак кўриниб, Сидиқжоннинг юраги ўйнаб кетди: Борди-ю, шу бўлса-чи? — А. Қаҳҳор, Қўшчинор чироқлари

фл. Бормоқ феълининг орттирма нисбати.

от Бордон тўшама ёки қопни тўқувчи уста.

Ҳамма айб бордон тўқийдиган устада. Агар бордончи сийрак тўқимаганда, бундай аҳвол бўлмас эди. — Муштум

от 1. Бир-бириникига бориб-келиб туриш, бориш-келиш, ўзаро яқин алоқа.

Кейин-кейин оилавий борди-келдига ҳам ўтдилар, эски гиналар унут бўлди. — Э. Аъзамов, Жавоб

Икки томон — ота-оналаримиз орасида борди-келди бошланиб кетди. — П. Турсун, Ўқитувчи

Ўша вақтларда Зокир Фаридани унутиш учун Лола билан борди-келди қила бошлаган эди. Очил буни кўриб, тутаб кетди. — П. Қодиров, Уч илдиз

2. Бирор манзилга бориб, ундан қайтиб келишгача бўлган масофа.

Ҳозир борамиз, борди-келдиси машинада бир ярим соатлик ёʻл. — А. Қаҳҳор, Асарлар

3. кўчма Турмушда учраб турадиган майда-чуйда, икир-чикир ташвишлар, машаққатлар.

Эргаш ҳали гўдак эди, дунёнинг борди-келдисини билмас эди. — П. Турсун, Ўқитувчи

Юнусали ота шу кунгача уларнинг борди-келди гапларига аралашмай, чидаб келарди. — С. Аҳмад, Уфқ