«boquv» boʻyicha 34 ta natija: Izohli
ot 1. Boqmoq feʼlidan harakat nomi.
2. Qarov, parvarish. Boquvi yaxshi.
Boquvda yotgan har qoʻylarimiz borki, oʻrnidan turolmaydigan boʻlib ketgan. — Mushtum
Gʻoʻzalarning boʻliqligi, hosilning toʻliqligi ekinga boquv benihoyat zoʻr boʻlganligini koʻrsatib turibdi.
fl. 1. Nazar tashlamoq, nazar solmoq, qaramoq.
Koʻzguga boqmoq. Laylakning ketishiga boqma, kelishiga boq. — Maqol
Dengiz suvidek tiniq koʻzlari muloyim va mehr bilan boqardi. — S. Karomatov, Oltin qum
Qora koʻzlari juda shoʻx boqib, jaz etib, bagʻringga botadi. — I. Rahim, Ixlos
Qizning atrofga jovdirab turgan koʻzlari xomush yerga boqdi. — S. Ahmad, Mehribon
2. koʻchma Moʻralamoq; koʻrinmoq, namoyon boʻlmoq.
Yoʻlchi Shokir otaning doʻkonxonasi eshigini astagina ochib boqdi. — Oybek, Tanlangan asarlar
Qorli togʻlar choʻqqisidan boqadi quyosh. — Gʻayratiy
Zangori dengizning tiniq qoʻynidan kumush oy koʻrinib, kulib boqadi. — Uygʻun
3. Fikran nazar tashlamoq, koʻz oldiga keltirmoq, koʻzdan kechirmoq.
Oʻziga boqma, soʻziga boq. — Maqol
Tarixga boqing, ming yil ilgari Xorazmda Beruniy oʻtgan, u juda koʻp kitoblar yozib qoldirgan. — J. Sharipov, Xorazm
Siz bilan zamonning zayliga boqmasak, qiyomat qoyim boʻlajak. — S. Siyoyev, Avaz
Oʻylab boqsam: qalbim mushtdek! Vatan juda keng! Oʻylab boqsam: Vatan va dil bir-biriga teng. — Yo. Mirzo, Oʻgʻil mehri
Boqsam, yoʻling oydin ekan, Kel, poyingni oʻpay, oʻgʻlon. — B. Boyqobilov, Sharora
4. Iltifot qilmoq, qoʻllab-quvvatlamoq, hurmat qilmoq.
Yaxshi yaxshiga boqar, Yomon daryoga oqar. R. Jumaniyozov, Soʻz koʻrki — maqol.
El boqsa, baxting kular, El boqmasa, taxting qular. — Maqol
Boy boyga boqar, suv soyga oqar. Boʻlmaydi. Siz bilan ittifoq boʻlolmaymiz. — N. Safarov, Tanlangan asarlar
5. Tarbiyalab voyaga yetkazmoq, parvarish qilmoq; qarab turmoq.
Bola boqmoq.
Bitta-yu bitta oʻgʻlim! Margʻilon degan joyda, allakimlarning qoʻlida, asli nomaʼlum kishilarning qiziga uylansin-da oʻgʻil boqib katta qilgan ona — Oʻzbek oyim ikki qoʻlini burniga tiqib qarab qola bersin. — A. Qodiriy, Oʻtgan kunlar
Xudoyqul mening oʻz jigarim, ammadan qolgan sagʻir. Yetti yoshidan boqib, odam qildim. — P. Tursun, Oʻqituvchi
— Ukalarimni boqsa, tegaman, — dedim kampirga. — Oybek, Tanlangan asarlar
6. Oʻz qaramogʻida boʻlganlarni moddiy jihatdan taʼminlamoq; tirikchilik ehtiyojlarini va shu kabilarni qondirib, taʼmin etmoq.
Oila boqmoq.
Yetim nabiralarni ogʻir mehnat bilan ham boqa olmagan bu jafokash chol hovlisining qolgan qismini sotishga majbur boʻlgan edi. — Oybek, Tanlangan asarlar
Bahorning bir kuni qishni boqar. — Gazetadan
Otadan qolgan shu qoʻl dastgoh chol-kampirni umr boʻyi boqdi. — A. Muxtor, Opa-singillar
Sizning ketmonlaringiz oʻzingizni ham boqadi, dehqonni ham. — S. Siyoyev, Yorugʻlik
7. Parvarishlab yetishtirmoq, asramoq (uy hayvonlari va parranda haqida).
Tovuq boqmoq. Kurt boqmoq.
Bir xoʻroz boqib oʻtiribman, tepsa, xonni oʻldiradi. — S. Siyoyev, Yorugʻlik
Sharoit yomon, joʻja boqadigan joyimiz yoʻq, kataklar juda tor. — Gazetadan
8. Qidirib topib oʻldirmoq (bitni, burgani).
9. s. t. Davolamoq, shifolamoq.
Uning kasalini boqmagan vrach qolmadi. Kasalni boqib tuzatmoq.
Oʻjar ekan bu soldat, deb tashlab qoʻymadilar. Koʻp qatori yaramni boqdilar. — N. Safarov, Olovli izlar
10. Koʻmakchi feʼl vazifasida kelib, yetakchi feʼldan anglashilgan ish-harakatni bajarishga urinish, sinash maʼnosini bildiradi.
Mingboshi Zebi kirguncha, dutor olib chertib boqdi. — Choʻlpon, Kecha va kunduz
Kambagʻal boʻlsang, koʻchib boq, boyvachcha boʻlsang, oʻlib boq, degan gapda hikmat koʻp ekan. — S. Ahmad, Saylanma
sft. Parvarishda, boquvda turgan.
Mening oʻn bir ming tillaga olgan doʻnon otim bor. Yetti oydan beri tablada boquvli turibdi. — Gulixiromon
ot 1. Nazar soluvchi, qarab turuvchi.
Tushiga otasi kiribdi. Qora qosh, sal qisiq koʻzlari negadir maʼyus boquvchi, yagʻrin-dor odam edi. — M. Hazratqulov, Jurʼat
2. Oila boshligʻi, oilani moddiy jihatdan taʼminlovchi.
Boquvchisi boʻlmagan oilalar.
3. Chorva, parranda va shu kabilarni asrovchi, parvarish qiluvchi.
Mol boquvchi. Kurt boquvchi.
Bolalar ipak qurti boquvchi xona-donlarga yugurib ketishdi. — H. Nazir, Soʻnmas chaqmoqlar
Ot boquvchi sayislar Gʻirotga yaqin yotibdi. — Nurali
ot 1. Boquv, qarov, parvarish.
Boqimga qoʻyuvdim, soʻyib sotishga koʻzim qiymadi. — Yoshlik
Peshqadam sut sogʻuvchilar oʻz boqisharidagi sigirlardan moʻl-koʻl sut sogʻib olishga erishdilar. — Gazetadan
2. shv. Birovning qaramogʻida boʻlgan, qaram.
Jiyanim menga boqim. Erimnikiga hokimman, Oʻgʻlimnikiga boqimman. — Maqol
— Birovga boqim boʻlib yashagandan oʻlib ketganim yaxshi-da, — deydi. — I. Rahim, Mehr koʻzda
Yuragining kasalligini bahona qilib, ishdan ham boʻshab oldi. Boqim boʻlib oʻtiribdi tekinxoʻr! — Oʻ. Hoshimov, Ikki eshik orasi
sft. 1. Doimiy, abadiy, mangu, oʻlmas.
Ildizi mustahkam daraxtning umri boqiy boʻladi. — Sharq yulduzi
Ey yasha, porloq kun, baxtli kelajak, Omon boʻl, Vatanim, ming yillar boqiy. — Gʻ, Gʻulom
Hayot talvasasi tinmagay, ammo Mangu boqiy qolur Inson va Xayol. — A. Oripov, Yillar armoni
2. ayn. Bok.
Yaxshiboyev jilmaydi, hech boqisi yoʻq, demoqchi boʻldi. M. — M. Doʻst, Lolazor
Hech boqisi yoʻq, bemalol, bu kishi oʻzimizniki. — A. Hakimov, Ilon izidan
3. Boqi (erkaklar ismi).
boqim Boquv, qarov, parvarish. Boqimga qoʻyuvdim, soʻyib sotishga koʻzim qiymadi. Yoshlik Peshqadam sut sogʻuvchilar oʻz boqisharidagi sigirlardan moʻl-koʻl sut sogʻib ol
parvarish Asrash, oʻstirish, voyaga yetkazish uchun qilinadigan harakat. Gʻoʻza parvarishi. Daraxtdan meva olaman desang, niholni parvarish qil. Maqol Sifatli parvarish —
Bektemir botir haqidagi ushbu ertakda qahramonning jasorati, sadoqati va sevgi yoʻlidagi kurashlari tasvirlangan. Ertakda yigitning qiyinchiliklarga qaramay, oʻ
Bu ertakda Qoʻldosh ismli podachining boshidan kechirgan sarguzashtlari hikoya qilinadi. U doʻsti Yoʻldosh bilan tushini sotib olgach, nomaʼlum safarga otlanadi
emizikli qoʻylardangina iborat suruv; saqmanchy//saxmanchy — emizikli qoʻylarni boquvchi qoʻychivon
yilqichi, yaylovlarda ot boquvchi kishi
