Qidiruv

ot 1. Boqmoq feʼlidan harakat nomi.

2. Qarov, parvarish. Boquvi yaxshi.

Boquvda yotgan har qoʻylarimiz borki, oʻrnidan turolmaydigan boʻlib ketgan. — Mushtum

Gʻoʻzalarning boʻliqligi, hosilning toʻliqligi ekinga boquv benihoyat zoʻr boʻlganligini koʻrsatib turibdi.

fl. 1. Nazar tashlamoq, nazar solmoq, qaramoq.

Koʻzguga boqmoq. Laylakning ketishiga boqma, kelishiga boq. — Maqol

Dengiz suvidek tiniq koʻzlari muloyim va mehr bilan boqardi. — S. Karomatov, Oltin qum

Qora koʻzlari juda shoʻx boqib, jaz etib, bagʻringga botadi. — I. Rahim, Ixlos

Qizning atrofga jovdirab turgan koʻzlari xomush yerga boqdi. — S. Ahmad, Mehribon

2. koʻchma Moʻralamoq; koʻrinmoq, namoyon boʻlmoq.

Yoʻlchi Shokir otaning doʻkonxonasi eshigini astagina ochib boqdi. — Oybek, Tanlangan asarlar

Qorli togʻlar choʻqqisidan boqadi quyosh. — Gʻayratiy

Zangori dengizning tiniq qoʻynidan kumush oy koʻrinib, kulib boqadi. — Uygʻun

3. Fikran nazar tashlamoq, koʻz oldiga keltirmoq, koʻzdan kechirmoq.

Oʻziga boqma, soʻziga boq. — Maqol

Tarixga boqing, ming yil ilgari Xorazmda Beruniy oʻtgan, u juda koʻp kitoblar yozib qoldirgan. — J. Sharipov, Xorazm

Siz bilan zamonning zayliga boqmasak, qiyomat qoyim boʻlajak. — S. Siyoyev, Avaz

Oʻylab boqsam: qalbim mushtdek! Vatan juda keng! Oʻylab boqsam: Vatan va dil bir-biriga teng. — Yo. Mirzo, Oʻgʻil mehri

Boqsam, yoʻling oydin ekan, Kel, poyingni oʻpay, oʻgʻlon. — B. Boyqobilov, Sharora

4. Iltifot qilmoq, qoʻllab-quvvatlamoq, hurmat qilmoq.

Yaxshi yaxshiga boqar, Yomon daryoga oqar. R. Jumaniyozov, Soʻz koʻrki — maqol.

El boqsa, baxting kular, El boqmasa, taxting qular. — Maqol

Boy boyga boqar, suv soyga oqar. Boʻlmaydi. Siz bilan ittifoq boʻlolmaymiz. — N. Safarov, Tanlangan asarlar

5. Tarbiyalab voyaga yetkazmoq, parvarish qilmoq; qarab turmoq.

Bola boqmoq.

Bitta-yu bitta oʻgʻlim! Margʻilon degan joyda, allakimlarning qoʻlida, asli nomaʼlum kishilarning qiziga uylansin-da oʻgʻil boqib katta qilgan ona — Oʻzbek oyim ikki qoʻlini burniga tiqib qarab qola bersin. — A. Qodiriy, Oʻtgan kunlar

Xudoyqul mening oʻz jigarim, ammadan qolgan sagʻir. Yetti yoshidan boqib, odam qildim. — P. Tursun, Oʻqituvchi

— Ukalarimni boqsa, tegaman, — dedim kampirga. — Oybek, Tanlangan asarlar

6. Oʻz qaramogʻida boʻlganlarni moddiy jihatdan taʼminlamoq; tirikchilik ehtiyojlarini va shu kabilarni qondirib, taʼmin etmoq.

Oila boqmoq.

Yetim nabiralarni ogʻir mehnat bilan ham boqa olmagan bu jafokash chol hovlisining qolgan qismini sotishga majbur boʻlgan edi. — Oybek, Tanlangan asarlar

Bahorning bir kuni qishni boqar. — Gazetadan

Otadan qolgan shu qoʻl dastgoh chol-kampirni umr boʻyi boqdi. — A. Muxtor, Opa-singillar

Sizning ketmonlaringiz oʻzingizni ham boqadi, dehqonni ham. — S. Siyoyev, Yorugʻlik

7. Parvarishlab yetishtirmoq, asramoq (uy hayvonlari va parranda haqida).

Tovuq boqmoq. Kurt boqmoq.

Bir xoʻroz boqib oʻtiribman, tepsa, xonni oʻldiradi. — S. Siyoyev, Yorugʻlik

Sharoit yomon, joʻja boqadigan joyimiz yoʻq, kataklar juda tor. — Gazetadan

8. Qidirib topib oʻldirmoq (bitni, burgani).

9. s. t. Davolamoq, shifolamoq.

Uning kasalini boqmagan vrach qolmadi. Kasalni boqib tuzatmoq.

Oʻjar ekan bu soldat, deb tashlab qoʻymadilar. Koʻp qatori yaramni boqdilar. — N. Safarov, Olovli izlar

10. Koʻmakchi feʼl vazifasida kelib, yetakchi feʼldan anglashilgan ish-harakatni bajarishga urinish, sinash maʼnosini bildiradi.

Mingboshi Zebi kirguncha, dutor olib chertib boqdi. — Choʻlpon, Kecha va kunduz

Kambagʻal boʻlsang, koʻchib boq, boyvachcha boʻlsang, oʻlib boq, degan gapda hikmat koʻp ekan. — S. Ahmad, Saylanma

sft. Parvarishda, boquvda turgan.

Mening oʻn bir ming tillaga olgan doʻnon otim bor. Yetti oydan beri tablada boquvli turibdi. — Gulixiromon

ot 1. Nazar soluvchi, qarab turuvchi.

Tushiga otasi kiribdi. Qora qosh, sal qisiq koʻzlari negadir maʼyus boquvchi, yagʻrin-dor odam edi. — M. Hazratqulov, Jurʼat

2. Oila boshligʻi, oilani moddiy jihatdan taʼminlovchi.

Boquvchisi boʻlmagan oilalar.

3. Chorva, parranda va shu kabilarni asrovchi, parvarish qiluvchi.

Mol boquvchi. Kurt boquvchi.

Bolalar ipak qurti boquvchi xona-donlarga yugurib ketishdi. — H. Nazir, Soʻnmas chaqmoqlar

Ot boquvchi sayislar Gʻirotga yaqin yotibdi. — Nurali

Приёмная семья – одна из форм устройства на воспитание детей, оставшихся без попечения родителей, находящихся в воспитательных и лечебных учреждениях, учреждениях социальной защиты и др.The foster family is one of the forms of the device for the upbringing of children left without parental care, being in educational and medical institutions, social protection institutions, etc.

Приёмные родители — супруги или отдельные лица, взявшие на воспитание несовершеннолетнего ребёнка, оставшегося без попечения родителей.Foster parents – spouses or individuals who took on the upbringing of a minor child left without parental care.