Қидирув

от Бир учида каллаги, иккинчи учида резбаси бўлган, машина ёки иншоотларнинг ажралувчи қисмларини бириктирувчи маҳкамлаш детали.

Кўзойнакнинг ошиқ-мошиғи кўпинча бўшашиб қолади, шунда унинг болтини маҳкам бураб қўйинг. — Газетадан

Бу болтларни, гайка бўлмагач, ҳеч нарсага ишлатиб бўлмас экан. — Муштум

от бот. Крестгулдошларга мансуб кўп йиллик бегона ўт.

Болтириқ экинлар орасида, боғлар, уватлар ва ёʻл ёқасида ўсади. — Ўзме

Болтиқ (Балтика) денгизи бўйида жойлашган.

the Baltic Sea

от 1. Бирор нарсани (ёғочни, гўштни ва шу кабилар) чопиш, кесиш, ёриш учун ишлатиладиган, тиғи дастасига параллел металл асбоб.

Болта тушгунча, кунда дам олар. — Мақол

Минг дарахтнинг бошини бир болта чопар. — Мақол

Ақлли, тўнгакнинг нозик ерини — ёриладиган ерини топиб туриб, болта уради — ақли билан ёради, ўзини қийнамайди. — М. Исмоилий, Фарғона тонг отгунча

Ҳовлида қор устида болта билан ўтин ёраётган йиртиқ-ямоқ тўнли бир йигит Элмуродни имлаб чақирди. — П. Турсун, Ўқитувчи

2. Болта (эркаклар исми).

от 1. Майда қисмларга бўлинган, парчаланган; бўлак-бўлак.

Бу ерларнинг тарихи деганда, отанинг кўз олдида яланғоч дашт, қўрғонлар, пастак деворлар, бўлтак ерлар гавдаланади. — Й. Шамшаров, Довруғ

2. эск. Гуруҳ, бригада.

Ҳар бир бўлтакка тарозу бериш бирмунча оғир кўчади. — А. Қодирий, Ғирвонлик Маллавой