Поиск

ot 1. Yosh bolalarga xos xatti-harakat, qiliq.

Bola bolaligiga boradi.

Bola-da, murti sabza urib qolgan boʻlsa hamki, bolaligini qoʻymaydi. — M. Ismoiliy, Fargʻona tong otguncha

Safarali qayerda turadi desak, birov aytib beradimi? Bolaliging qursin! Dunyoda Safaralidan koʻpi yoʻq. — Oydin, Mardlik — mangulik

2. Odamning hali voyaga yetmagan davri; yoshlik.

U bolalikdanoq otlarni sevar, yaxshi otlarni boqish, tomosha qilishdan har vaqt zavqlanar edi. — Oybek, Tanlangan asarlar

Dunyodagi eng maroqli sayr bolalik yillari oʻtgan koʻchalar boʻylab sayr etish boʻlsa kerak. — S. Siyoyev, Otliq ayol

3. Farzandlik, farzand qilib olish, farzand qilib asrash.

[Oʻgʻlimni] Bir befarzandga bolalikka berdim. Qayerda boʻlsa, eson boʻlsin. — Oybek, Tanlangan asarlar

ot 1. Yangi tugʻilgan, hali koʻkrakdan, ona bagʻridan ajratilmagan goʻdak; chaqaloq.

Bola emizmoq. Bolani allalab uxlatmoq. Bola yigʻlamasa, ona sut bermaydi. — Maqol

Oʻzbek oyim burchakda bola koʻtarib oʻtirgan Zaynabdan chaqaloqni olib, uni jomni toʻkib kelishga buyurdi. — A. Qodiriy, Oʻtgan kunlar

2. Hali yosh, voyaga yetmagan odam.

Bolani yoshdan asra, niholni boshdan asra. — Maqol

Yaxshi boladan — rahmat, Yomon boladan — laʼnat. — Maqol

Men kuyaman bolamga, Bolam kuyar bolasiga. — Maqol

Aldagani bola yaxshi. — Qanotli soʻzlar

— Hali bola ekansiz, — dedi Kumush. — A. Qodiriy, Oʻtgan kunlar

Anvar kelishgan, doʻndiq bola edi. — A. Qodiriy, Mehrobdan chayon

Ayol kishining fazilati bola bilan boʻlgan munosabatida ochiladi. — F. Musajonov, Himmat

3. Farzand, oʻgʻil-qiz, zurriyot.

Odamning mevasi — bola. — Maqol

Bol shirin, boldan bola shirin. — Maqol

Bola aziz, odobi undan aziz. — Maqol

Bir onadan alvon xil bola tugʻiladi, deganlaridek, Anvarning yaratilishi ogʻalariga nisbatan boshqacha edi. A. Qodiriy, Mehrobdan chayon.

4. koʻchma Yoshi ulugʻ, ammo goʻdaklarcha ish tutadigan, bolalarcha mulohaza yurgizadigan odam haqida.

— Nega koʻnglimga olmay, men yosh bolamanmi! — dedi [Kumush]. — A. Qodiriy, Oʻtgan kunlar

Ey xotin, bola boʻlib qolgan-san desam, achchigʻing keladi. Axir gapning oxiriga qadar tinglab turmaysanmi. — Oydin, Shirin keldi

5. (koʻpincha 1-shaxs egalik affiksi bilan) Yoshi kattalarning yoshlarga murojaat shakli.

— Uzr ayt, bolam. Zolim bilan tenglashma! — dedi chol. — Oybek, Tanlangan asarlar

— Meniki bedavo dard. Uh! — yengil xoʻrsindi Tohirjon. —Unday dema, bolam. Noumid shayton. — Oybek, Tanlangan asarlar

6. Yangi tugʻilgan, tuxumdan chiqqan, hali voyaga yetmagan yosh hayvon yoki parranda.

Qoʻngʻiz bolasini oppogʻim der, kirpi bolasini yumshogʻim der. — Maqol

Ilonning bolasi — ilon, Chayonning bolasi — chayon. — Maqol

7. Homila, qorindagi gumona.

— Bolang necha oylik boʻldi, yer yutgur? — boʻgʻilib soʻradi va qizni bir tepdi. — Oybek, Tanlangan asarlar

Mehri ikkiqat. Bola ikki oylik, uch oylik besh oylik Qanday qilib boʻlsa ham, bolani tushirish kerak. — A. Qahhor, Boshsiz odam

погов. детство — царство: детство — беззаботная пора, ребенок ни с чем и ни с кем не считается.

Дом с детьми — базар, дом без детей — могила.*

Bolangni oʻzim koʻtaraman, oʻzim katta qilaman... bolalik uy bozor, bolasiz, uy mozor. Я возьму ребеночка к себе, сама выращу... Как говорят: «Дом с детьми — базар, а без детей — могила». — Ҳ. Ҳакимзода, Бой ила хизматчи.

Дом с детьми — светлица, дом без детей — темница.

Дом с детьми — сад, дом без детей — кладбище.