Қидирув

от 1. Тўзон ёки қор-ёмғир аралаш эсадиган шиддатли шамол.

Бури бўронда қутурар. — Мақол

Ҳамма ёқни қум бўрони қоплади. Омон кўринмай қолди. — Ҳ. Назир, Ёнар дарё

Қум бўрони ўтов кигизларини, балиқчиларнинг тўрларини осмонда учириб юрди. — А. Мухтор, Қорақалпоқ қиссаси

Заргаров тўхтаб, пастга тушди. Атроф зим-зиё, бўрон қутуриб кўз очирмасди. — А. Мухтор, Бўронларда бордек ҳаловат

2. кўчма Тўхтамасдан ёғ(ил)аётган нарса.

Тўпларнинг ўқ бўрони аввалги куч ва ғазаб, қаҳр билан самода ҳукмрон эди. — Ойбек, Қуёш қораймас

3. кўчма Шиддатли, давомли ҳаракат, оқим; тўфон.

— Халқнинг қудратига, бўронига ҳеч қандай тоғ дош келолмас! — деди-да, Султонмурод чиқиб кетди. — Ойбек, Навоий

Наҳот ёвуз бўрон хасдек учиргай? Қайнар томиримда оташин қонлар. — Гулдаста

Халқ қўшиқчиларни қарсак ва қийқириқ бўрони билан олқишлади. — Ойбек, Олтин водийдан шабадалар

4. Ички, руҳий кечинмалар ғалаёни, туғёни.

Лекин ичидаги ҳалиги жанг бўрони бир нафас ҳам тинмади. — Муштум

Мана, ўзингиз кўриб турибсиз, шунақа гаплардан кейин ошиқ қалбида бўрон кўтарилмайдими? — Х. Тўхтабоев, Ширин қовунлар мамлакати

Қўзғалинг, ҳей, ҳис-туйғулар бўрони, Кўпдан сизга кўз тутардим умидвор. — Дилшода, Умидим

Бу сўзлар Ёʻлчининг юрагида бўрон ясади, у тотли, завқли ҳаяжон билан қалтирарди. — Ойбек, Танланган асарлар

5. кўчма Хавф-хатар, даҳшат.

Тинчлик дарахтини оловлардан, бўронлардан асрашимиз керак. — Саодат

У не-не дарёларнинг тўлқинларини ўлим бўронлари орасида кечиб ўтмади. — Ойбек, Олтин водийдан шабадалар

Сенга на бўронлар кор қила олур, Сени на ёʻқотиб, бор қила олур. — А. Орипов, Йиллар армони

6. Кўчма Бало, офат, кулфат.

Нифоқ бўрони хароб этган Хоразмни осонликча забт этиб, беҳисоб ўлжалар олиб келганидан у хурсанд. — М. Осим, Карвон ёʻлларида

Ана ўшанда кўрасан Хоразмда фитна бўронининг бошланишини. — М. Осим, Карвон ёʻлларида

Халқлар бошига зулм бўронини ёғдирган ва офатлар келтирган сариқ вабо — Гитлер машинаси зил кетди. — Н. Сафаров, Оловли излар

7. Бўрон (эркаклар исми).

от Ҳайдалган ернинг юза қисмини текислаш, кесакларни майдалаб, қатқалоқни юмшатиш ва бегона ўтларни ёʻқотиш учун ишлатиладиган қишлоқ хўжалик қуроли; сих-мола.

Дискли борона. Тиркама борона. Борона қилмоқ.

Плуглар орқасига тиркалган бороналар ханжар тишлари билан кесакларни чайнаб борарди. — Ш. Рашидов, Бўрондан кучли

Аввалги йиллар Кенжабой ака боронани серунум ва сифатли қиладиган мола ўйлаб чиқарган. — Ҳ. Назир, Кўктерак шабадаси

сфт. 1. Бўрон билан ўтган ёки бўрон бўлиб турган.

Бўронли қиш туни.

Кечаси бўлиб ўтган бўронли ва момақалдироқли жаладан

сўнг ҳаво сокин эди. — Газетадан

2. кўчма Кескин, шиддатли кураш, қизғин жанг ва шу кабилар билан тўлиб-тошган.

Кўнглимга битмас фароғат берди онам алласи, Бўронли йиллар жасорат берди онам алласи. — Ё, Мирзо

3. кўчма Жўшқин, туғёнли.

Уни ёш ва бўронли қалби Олиб кетди олис шаҳарга. — А. Орипов, Руҳим

Юлдузлар мисоли кулганда руҳим, Бўронли ҳисларга тўлганда руҳим — А. Орипов, Йиллар армони

от зоол. Найбурунлилар туркумига мансуб, сувда яшашга яхши мослашган денгиз қушларининг бир тури.

У Фурқатни бўронни олдиндан кўра билган бўронқуш деб атади. — Газетадан

фл. Ҳайдалган ерни борона билан юмшатмоқ, текисламоқ, молаламоқ.

Эртага бороналаб, енгил мола орқасидан тракторда экавериш керак. — И. Раҳим, Ҳаёт булоқлари

Бороналаш билан бир вақтда тупроққа маҳаллий ўғит ҳам солиб кетилади. — Газетадан

фл. Бороналамоқ феълининг мажҳул нисбати.