Qidiruv

sft. Biror-bir moddiy narsaga, boylikka ega boʻlgan, bisoti bor.

Qarindoshlaring Mashhadda nima ish qiladi? Agar ular davlatmand, bisotli kishilar boʻlmasa, bu yurtlarda qattiq qiynalasan. — A. Hakimov, Ilon izidan

ot 1. Shaxsning, koʻpincha xotinlarning oʻziga tegishli boʻlgan, toʻplab qoʻygan moli, mol-dunyosi.

Mastonbibi sandiqdan bisotidagi movut mursagini olib kiydi. — S. Ahmad, Qadrdon dalalar

Onalar Kumushning bu hayqirigʻini uyalganga yoʻydilar-da, uyga kirib, bisot kovlashga, toʻy hozirligini koʻrishga mashgʻul boʻldilar. — A. Qodiriy, Oʻtgan kunlar

Tayyorlanar Bahri safarga, Sandigʻini ochib, bisotin Tita boshlar barin birma-bir. — H. Olimjon

2. Kishiga, oila xoʻjaligiga qarashli mol-dunyo, boylik.

Oʻtgan zamonda bir faqir er-u xotin bor ekan. Ularning bisotida faqatgina bitta echkisi bor ekan. — Ertaklar

Hosila yiqqan bisotini sarflab, ancha tuzuk toʻy qildi. — Sh. Xolmirzayev, Bodom qishda gulladi

Mastura xola bisotidagi zogʻoralarni olib chiqib, oʻrtaga qoʻydi. — J. Sharipov, Xorazm

3. koʻchma s.t. Kimsada bor boʻlgan har qanday narsa; madaniy, maʼnaviy boylik.

Ezgin-ezgin kuylasin endi Bisotdagi eng nozik torlar. — Sharq yulduzi

Mulla Qutbiddin bisotida bor eng nodir kitoblarini birma-bir olib, changlarini artib, Boburga koʻrsata boshladi. — P. Qodirov, Yulduzli tunlar

Bugun shoirlar ham oʻz bisotidan Eng yaxshi baytlarni izlab turibdi. — E. Vohidov, Muhabbat

Nurbek bisotidagi bor soʻz bilan uni [Shirinni] avradi. — Yoshlik

4. Biror xona yoki joydagi mavjud narsalar.

Bu shinam, koʻrkam xona oʻzining bisoti va bezaklari bilan kirgan odamni darrov qamrab olardi. — M. Ismoiliy, Fargʻona tong otguncha

U yer [mehmonxona] boy bisotlari, chiroyli bezaklari, yumshoq toʻshak va par yostiqlari bilan koʻzlarga orom berar edi. — M. Ismoiliy, Fargʻona tong otguncha

5. koʻchma Tabiatning borligʻi, boyliklari, ehsoni.

Bahor butun topgan-tutgani-ni, butun bezak va bisotini yoyib yuborgan. — M. Ismoiliy, Fargʻona tong otguncha

Bisotida hur el uchun saqlagan ne bor boʻlsa, qildi ayon — Mirzachoʻl, Habibiy

Har nedan goʻzalroqdir balki choʻl kechalari, Ufqlar kaftdek ravon, koʻk sochgan bor bisotin. — A. Oripov

ot Barcha bor narsalar, bor-yoʻq boylik.

Ertami-indin Dildor albatta ketadi. Bisot-bagʻalni shipirib, uyni ship-shiydon qilib ketadi. — S. Ahmad, Ufq