Qidiruv

fl. 1. Qoʻshilib, bir butunlik hosil qilmoq, birga qoʻshilmoq.

Bel bilan bilak biriksa, ish bitar. — Maqol

Juvozxona ichidan tezak, shiptir, moy va kunjara hidlaridan birikkan allaqanday qoʻlansa hid Yoʻlchining dimogʻiga darrov urdi. — Oybek, Tanlangan asarlar

2. Bir-biriga ulanmoq, tutashmoq.

Detallarning birikkan joylari.

Kosmik apparatlarning bir-birini qidirib topishi, yaqinlashishi, birikishi va tutashishi bort avtomatikasi yordamida bajarildi. — Gazetadan

3. Bir maslak, maqsad yoʻlida birlashmoq, uyushmoq; bir jon, bir tan boʻlmoq.

Birikkan yengar. — Maqol

Birikkan kuch — kuch, Birikmagan kuch — puch. — Maqol

Koʻpchilik biriksa, togʻni qulatar. — Maqol

4. kim. Birikish reaksiyasiga kirishmoq.

Vodorod bilan kislorod birikib, suv hosil qiladi.

Chaqmoq paytida havo tarkibida azot bilan kislorod birikib, nitrat hosil qiladi. — Fan va turmush

fl. 1. Birikmoq feʼlining orttirma nisbati.

Detallarni biriktirmoq. Moddalarni biriktirmoq.

Biz nutqimizda ayrim soʻzlarni oʻzaro biriktirib, gap tuzamiz va fikrimizni bayon qilamiz. — Oʻzbek tili darsligi

Tirik qolgan jangchilarni darhol har ikkala toʻp raschyotiga biriktirib, toʻplarni jangovar holatga keltirdi. — Gazetadan

2. Ixtiyoriga berib qoʻymoq, topshirmoq.

Dehqon-fermerlar foydalanib turgan yerlar ularga doimiy biriktirib qoʻyiladi.

Yangidan tashkil qilingan bogʻlar tajribali bogʻbonlarga biriktirib qoʻyilmoqda. — Gazetadan

3. Yoʻl-yoʻriq koʻrsatish, yordam berish yoki qarab turish uchun bogʻlab, qoʻshib qoʻymoq.

Birmuncha tajribali yozuvchilar konsultatsiya ishiga biriktirib qoʻyildi. — N. Safarov, Olovli izlar

Har bir oʻquv kabineti va ustaxonaga kombinat boʻlimlarining rahbarlari biriktirib qoʻyilgan. — Gazetadan

ot Biriktirmoq feʼlida harakat nomi.

fl. Biriktirmoq feʼlining majhul nisbati.

ot 1. Biriktirish ishini amalga oshiruvchi shaxs.

2. Ikki narsani oʻzaro bogʻlovchi.

ot 1. kim. Molekulasi bir necha element atomlaridan tarkib topgan modda.

Kimyo fanining hozirgi davrdagi asosiy vazifasi xalq uchun muhim xossali birikmalar olishdan iborat. — Fan va turmush

organik birikma sifatida barcha tirik organizmlarda boʻladi. — Fan va turmush

2. tlsh. Maʼlum grammatik qonuniyatlar asosida oʻzaro bogʻlangan ikki yoki bir necha soʻz.

Soʻz birikmasi. Barqaror birikmalar. Frazeologik birikma.

Tugal bir fikr bildiradigan soʻz yo soʻz birikmasi gap deyiladi. — Oʻzbek tili grammatikasi

Baʼzan sifatlar ikki yoki bir necha soʻzdan, yaʼni soʻz birikmasidan iborat boʻladi. — Oʻzbek tili darsligi