Қидирув

Ер қобиқларидан (сфераларидан) бири бўлиб, унинг таркиби ва энергетикаси асосан Тирик модда фаолияти билан белгиланади. Э. Зюсс томонидан 1875 й. киритилган бу атама В.И. Вернадскийнинг илмий изланишлари натижасида Ер сайёрасининг бутун сиртини англатадиган бўлди. Б. тропосфера, литосфера ва гидросферани ўз ичига қамраб олади; қалинлиги 30-40 км.

Юнесконинг биологик хилма-хилликни асраш ва унинг компонентларидан барқарор фойдаланиш қуроли бўлган “Инсон ва биосфера” (МАБ) халқаро дастурига киритилган, ер усти, қирғоқ бўйи ва денгиз экотизимларининг муҳофаза қилинадиган ҳудуди ёки улар комбинацияси. Б.қ. ўзи жойлашган давлат бошқаруви ҳамда минтақа ва маҳаллий бошқарув органлари назорати остида бўлади. Б.қ. қуйидаги функсиялар бажарилишини таъминлайди: ландшафтлар, экотизимлар ва турлар муҳофазаси; имкониятларни намойиш қилиш ва ижтимоий-иқтисодий тараққиёт барқарорлигига кўмаклашиш; табиатни муҳофаза қилиш мақсадида маҳаллий, минтақавий, глобал даражада атроф-муҳит бўйича билим олиш, илмий изланишлар ва мониторинг намойиш лойиҳаларини рўёбга чиқариш.