Hayot Foundation loyihasi
Loyiha haqida
Oʻz
Oʻz

Qidiruv

«bichtirmoq» boʻyicha 27 ta natija

Filtr
Lugʻat turi
Izohli Tarjima Terminologik
Tildan
Oʻzbekcha Ruscha Turkcha
Tilga
Oʻzbekcha Ruscha Inglizcha Qoraqalpoqcha Nemischa Turkcha

Lugʻat maqolalari

26 ta
bichmoq
Izohli lugʻat · yana 5 ta lugʻatda

fl. 1. Kiyim-kechak tikish uchun moʻljallangan materialni maʼlum andoza va oʻlchamlarda kesmoq.

Boʻyiga qarab toʻn bich. — Maqol

Otaning ochgan yoʻli bor, Onaning bichgan toʻni bor. — Maqol

Tikkan chevar emas, bichgan chevar. — Maqol

Chol doʻkonxonada oʻtirib, ish bichib beradi, Unsin ichkari uyda tikadi. — Oybek, Tanlangan asarlar

2. Belgilamoq, qoʻymoq, kesmoq (narx, ish haqi va shu kabilar haqida).

Narx bichmoq.

[Dallol:] — Xayr boʻlmasa, men bichay shu bola yuz tillalik mol boʻlsa ham, karvonboshi bobom rozi boʻlsinlar, siz oltmish tilla bering, — dedi. — S. Ayniy, Qullar

Oʻzimga oʻzim haq bichib olganim yoʻq-ku! Hammasi qonun-qoida bilan boʻlgan. — Sharq yulduzi

3. Axta qilmoq.

Uloqni bichish uchun olib bordim.

  • Birovga kafan bichmoq Birovga oʻlim tilamoq yoki oʻldirishga ahd qilmoq. Dushmanlarga kafan bichgan Piyodalar — mardi maydonlar. — H. OlimjonObbo, hali u yoqda buvim kafan bichib oʻtirgandirlar. — E. Raimov, Ajab qishloq
  • Ajal (kafan) toʻnin bichmoq Ajal toʻnin bichaylik, Dushman koʻkragidan sanchaylik. — Yusuf va AhmadSavash boʻlsa, shirin jondan kechadi, Dushmanlarga kafan toʻnin bichadi. — Murodxon
  • Gapga bichgan Gapga usta, soʻzamol, gapdon. — Hojimuqomning xotini. Juda ham -gapga bichgan-da. Qofiyali qilib gapiradi, — dedi Noʻmonjon. — S. Ahmad, Choʻl burgutiAbdishukurni xudo gapga bichgan, yengib boʻlmaydi. — Oybek, Tanlangan asarlar
  • Yerdan bichib olgan Past boʻyli, juda ham pakana. U yerdan bichib olgandek pak-pakana xotin edi. — A. QodiriyUning [Kumushning] toʻgʻri, mavzun qomatiga yerdan bichib olingan mudhish xotinning qoʻllari zoʻrgʻa yetdi-da, esonmisiz, omonmisiz, poshsha qiz, deb soʻrashdi. — A. Qodiriy, Oʻtgan kunlar
  • Toʻn bichmoq Soyaga qarab toʻn bichma. — MaqolKadrlarning savlatiga, soʻzamolligiga qarab emas, ularning ishiga, isteʼdodiga qarab toʻn bichinglar. — Mushtum
Toʻliq maqola →
bichim
Izohli lugʻat · yana 3 ta lugʻatda

ot 1. Kiyim-kechakning taxliti, fasoni, bichigʻi.

Aytishlaricha, butun Yaponiyada bir necha million kimono boʻlsa ham, yo rangida, yoki gullarida, yoki bichimida albatta tafovut boʻladi. — H. Hasanov, Ekvatordan oʻtganda

Qizlar bu kiyimning materialini, bichimini zoʻr ishtiyoq bilan maqtab ketishdi. — J. Abdullaxonov, Xonadon

2. Tana (gavda) tuzilishining yaxlit koʻrinishi, qad-qomat; qiyofa.

Bichimi kelishgan yigit.

Saidgʻozi ularning [Poʻlat va Shermatning] bichimiga qarab, darrov tanidi. — S. Anorboyev, Oqsoy

Bu yerdagi otlar turli tusda va turli bichimda boʻlib, zotli, nodir otlar edi. — Oybek, Tanlangan asarlar

Qiz hali yosh boʻlsa-da, boʻychan edi, bichimi ingichka va sambitgul novdasiday adil edi. — Oybek, Tanlangan asarlar

3. Shakl, oʻlcham.

Kitob bichimi 84x108 boʻlgan qogʻozga bosilgan.

Toʻliq maqola →
bichiq
Izohli lugʻat · yana 2 ta lugʻatda

ot 1. ayn. Bichim 1.

Tikkan kostyumingiz shumi, bichigʻi qavigʻiga toʻgʻri kelmaydi-ku? — Mushtum

2. koʻchma Gavda (tana)ning yaxlit koʻrinishi, qiyofa.

Bir bichiqda yaratilgan, oʻziga xos feʼl-atvori boʻlmagan odamlar Ahmadda qiziqish uygʻotmasdi. — F. Musajonov, Himmat

xullas, turli tus va bichiqdagi kishilar bechora, zahmatkash sanʼatchilar mashaqqat bilan qoʻlga kiritgan zafar zavqini baham koʻradilar. — S. Azimov, Oppoq tong qoʻshigʻi

3. koʻchma Tuzilish, tarh; manzara. Gulxona bichigʻi.

Hovlining bichigʻi Nazarovga yoqinqiramadi. — H. Toshxoʻjayev, Qiyigʻi chiqdi

Toʻliq maqola →

Hammasini koʻrish · 26 →

Taʼriflar ichida

1 ta