Qidiruv

ot 1. Nojoʻya xatti-harakatlari bilan ijtimoiy tartibni, koʻpchilikning tinchligini buzuvchi, hammani bezor qiluvchi.

Betamizda bet boʻlmas, bezorida uyat boʻlmas. — Maqol

Bezoridan hamma bezor. — Maqol

Oyim bilan dadam meni juda erkalatib yuborishgan emish, shu ketishda ketaversam, mendan qip-qizil bezori chiqar emish. — X. Toʻxtaboyev, Sariq devni minib

2. Ota bezori Nojoʻya harakatlari bilan hammani, hatto oʻz otasini ham bezor qilgan.

— Ota bezori boʻlmoqchimisan? — Abdurahmonboy kutilmaganda koʻziga yosh oldi. — H. Gʻulom, Mashʼal

sft. Biron narsa yoki kimsadan bezgan, yurak oldirib qoʻygan; toʻygan.

Bekorchidan hamma bezor. — Maqol

Dilozordan xudo bezor. — Maqol

Ernazar dangasaga aytinglar: mening tomonimga qaramasin, men unaqa odamdan bezorman. — S. Ayniy, Qullar

ot Bezorijon qilmoq Jondan toʻydirmoq, joniga tegmoq, zeriktirmoq.

[Ahmadjon] raʼyiga qarshi chiqqan suhbatdoshini bezorijon qilib, aytganiga koʻnishga majbur etar edi. — S. Karomatov, Hijron

Shavkat poyezdda ham tipirchilayverib, ota-onasini bezorijon qilib yubordi. — Q. Kenja. Togʻ yoʻlida bir oqshom

ot 1. Koʻpchilikning tinchligini buzish, odamlarni bezdiruvchi xatti-harakat.

Bezorilik qilmoq.

Ichkilik, bezorilik, buzilish, odobsizlik — hammasi bekorchilikdan chiqadi. — A. Muxtor, Chinor

Otasi basharasiga tupurgandan keyin ham Rahmatulloning koʻzi ochilmadi, battar boʻldi. U bezorilikni avjiga chiqaraverdi. — Mushtum

2. huq. 2 Shaxsning jamoat tartibini qoʻpol ravishda buzish va jamiyatga oshkora hurmatsizlik koʻrsatishdan iborat xatti-harakati.

Mayda bezorilik.

Ichkilik tufayli bezorilik roʻy beradi, jinoyat sodir boʻladi. — Gazetadan

sft. Bezoriga oʻxshagan; chapani.

ot Bezoriligi va dilozorligi uchun hatto oʻz otasi ham yuz oʻgirgan; oqpadar.

Boy esa yana otabezori oʻgʻillarining nadomati bilan yuzma-yuz, yolgʻiz qoldi. — Yoshlik

Sen hali shunaqa oʻzboshimcha boʻlib qoldingmi? Bunday ishni otabezorilar qiladi. — Gazetadan