Qidiruv

ot 1. Vaqti-vaqti bilan isitma chiqarib, qaltiratadigan yuqumli kasallik.

Saratonning ayni qizgʻin kunlarida bezgak avj oladi. — H. Gʻulom, Feruza

Ota bezgakdan qaltirab, goh muzlab, goh oʻt boʻlib yonib, alahsirab yotardi. — M. Mahmudov, Mangu kuy izlab

2. Bezgak kasalligi bilan ogʻrigan odam.

Nuri bu voqeaning uchini eshitgan hamon, bezgakday qaltirab ketdi. — Oybek, Tanlangan asarlar

ot Bezgakni davolash uchun qoʻllanadigan, bezgakka qarshi dori; xinin.

rvsh. Xuddi bezgak kasaliga duchor boʻlgandek, bezgak kasalidan turganga oʻxshash.

— Hoy, Oynisa buvingni chaqir, — bolalarga aralashmay, bir chekkada turgan rangpar, bezgaknamo qizga buyurdi boy. — Oybek, Tanlangan asarlar

ot biol. Odamga bezgak plazmodiylarini yuqtiradigan va bezgak kasalligini qoʻzgʻatuvchi hasharot.

— Bezgakpashshaga oʻxshab gʻingʻillay bermang! — dedi. — A. Qahhor, Asarlar

Buri boʻlgandan bezgak-pashsha boʻlgan yaxshiroq, chunki uni qopqon bilan tutib boʻlmaydi. — A. Qahhor, Qoʻshchinor chiroqlari