fl. Bezdirmoq feʼlining orttirma nisbati.
Qidiruv
«bezdirtirmoq» boʻyicha 51 ta natija: Izohli
Filtr
Lugʻat turi
Lugʻat maqolalari
51 tafl. Zada, bezor boʻlmoq; joniga tegmoq.
Doridan bezdim. Bekorchilikdan bez-dim. Erdan bezsang ham, eldan bezma. — Maqol
Elidan bezgan er oʻngmas. — Maqol
— Zolim podshodan bezdik, oʻla qolsin u! — deb qichqirishdi xotinlar. — Oybek, Tanlangan asarlar
Yanglish tuygʻu menda boʻlmas! Yanglish sezgi sezganlar, Yoʻqliq sari bora bering, ey, hayotdan bezganlar. — Gʻayratiy
ot 1. Bezatish, yasatish vositasi; husn, koʻrk, chiroy beruvchi narsa; ziynat beruvchi buyum yoki naqsh.
Arxitektura bezaklari. Archa bezaklari. Bezak buyumlari. Badiiy bezak.
Egar jabduqlaridagi oltin bezaklari quyosh nurida yalt-yalt qilayotgan boʻz otni jilovdor yetaklab keldi. — P. Qodirov, Yulduzli tunlar
Nuri kiyinishni, bezakni sevar edi. Zirak, bilaguzuk, zarkokil, qoʻltiqtumor, tillaqosh, zebigardon kabi buyumlardan quti-quti yiqqan. — Oybek, Tanlangan asarlar
2. koʻchma Husn, koʻrk. Soʻz — kishining oʻzagi, Odob — kishining bezagi. Maqol. Til — aql bezagi. Maqol.
Yaxshi fazilatlar inson kamolotining bezagi, husni, jon rohati va farogʻatidir. — Gazetadan
- Dasturxon bezagi Dasturxonga qoʻyilgan yoki qoʻyiladigan noz-neʼmatlar. Har gujumi asaldek tatiydigan uzum, har bir tilimi tilni yoradigan qovun, shifobaxsh tarvuz, olma, nok, qoʻying-chi, qoʻli gul bogʻbonlar yetishtirgan meva-cheva, darhaqiqat dasturxon bezagidir. — Gazetadan
sft. Biron narsa yoki kimsadan bezgan, yurak oldirib qoʻygan; toʻygan.
Bekorchidan hamma bezor. — Maqol
Dilozordan xudo bezor. — Maqol
Ernazar dangasaga aytinglar: mening tomonimga qaramasin, men unaqa odamdan bezorman. — S. Ayniy, Qullar
- Bezor boʻlmoq Joniga tegmoq, koʻngliga urmoq. Pashshadan bezor boʻldim.Uning yolgʻon-yashiq gaplaridan qoʻni-qoʻshnilar ham bezor boʻlib ketgan. — Mushtum
- Bezor qilmoq Jondan toʻydirmoq, obdan zeriktirmoq.
- Jondan bezor qilmoq Jondan toʻydirmoq, juda ham jonga tegmoq, zeriktirib yubormoq. [Oqila:] Oʻzingiz qachon borasiz? Bolalar dada deb, jonimdan bezor qilishyapti. — A. Qahhor, Ogʻriq tishlar
sft. 1. ayn. Zotsiz.
Bezot sigirlar.
2. esk. Asilzodalar, zodagonlar nasliga mansub boʻlmagan; nasli, zoti past.
Sidiqjon bezot, Sidiqjon gadobachcha — Toʻgʻri, lekin zamon shularniki boʻlsa, nima deysan? — A. Qahhor, Qoʻshchinor chiroqlari
Eshon:] Gapirma, bezot. Tagʻin qaytaradi-ya! — Hamza
— Biror bezot oʻgʻirlikka kelsa-chi? — deb vahima qiladi kampir. — M. M. Doʻst, Galatepa qissalari
Ezilmagan, urilmagan, lat yemagan.
Bezaxa qovun.
Bolalar olmalarni bezaxa qilib tera boshladilar. — Oʻzbek tili darsligi