Qidiruv

fl. Bezaklar bilan orolanmoq; oʻziga oro bermoq.

Eshigi nafis oʻymakorlik bilan bezangan koʻshkda hozir Boburni faqat xona oʻziga tortar edi. — P. Qodirov, Yulduzli tunlar

Oʻshanda olam kamalak nurlari bilan bezangan, maysalar shivirlagan, gullar tabassum qilgan, qushlar gʻazalxon-u eng yaxshi qoʻshiqlarni Ahmadjonga kuylaydi. — S. Nurov, Maysalarni ayoz urmaydi

Koʻklam qizi yuz ochdi, musaffo bezanibdur, Egnida yashil jomasi zebo bezanibdur. — Habibiy

fl. 1. Ziynat, bezak berib chiroyli qilmoq; husn kirgizmoq; koʻzni quvontiradigan holga keltirmoq.

Bahor keldi. Maktab sahnidagi oʻriklarni oq, pushti gullar bezadi. — P. Tursun, Oʻqituvchi

Kechasi bilan yoqqan qalin qor har bir tomni, devorni, har daraxt va gumbazni mayin oq hoshiya bilan bezab chiqqan. — P. Qodirov, Yulduzli tunlar

Yerlar koʻk gilamlar bilan bezalganda biz ham toʻy qilarmiz Shundaymi, Raʼno? — A. Qodiriy, Mehrobdan chayon

2. koʻchma Aqliy va maʼnaviy jihatdan boyitmoq; obroʻ keltirmoq.

Qarilikni donolik bezaydi, Yoshlikni — kamtarlik. — Soʻz koʻrki — maqol

Daraxtni — shirin meva, ustozni — oqil shogird bezaydi. — R. Usmonov, Odobnoma

Insonni uch narsa ziynat fazilatlari bilan bezaydi: aql-zakovati, mehnat-mashaqqati va odamlarga boʻlgan mehr-muhabbati. — Gazetadan

Insonni kuchli qiladigan, uni bezaydigan narsa maqsadi, toʻgʻrirogʻi maqsadlari birligidir. — X. Toʻxtaboyev, Shirin qovunlar mamlakati

ot 1. Bezatish, yasatish vositasi; husn, koʻrk, chiroy beruvchi narsa; ziynat beruvchi buyum yoki naqsh.

Arxitektura bezaklari. Archa bezaklari. Bezak buyumlari. Badiiy bezak.

Egar jabduqlaridagi oltin bezaklari quyosh nurida yalt-yalt qilayotgan boʻz otni jilovdor yetaklab keldi. — P. Qodirov, Yulduzli tunlar

Nuri kiyinishni, bezakni sevar edi. Zirak, bilaguzuk, zarkokil, qoʻltiqtumor, tillaqosh, zebigardon kabi buyumlardan quti-quti yiqqan. — Oybek, Tanlangan asarlar

2. koʻchma Husn, koʻrk. Soʻz — kishining oʻzagi, Odob — kishining bezagi. Maqol. Til — aql bezagi. Maqol.

Yaxshi fazilatlar inson kamolotining bezagi, husni, jon rohati va farogʻatidir. — Gazetadan

Ezilmagan, urilmagan, lat yemagan.

Bezaxa qovun.

Bolalar olmalarni bezaxa qilib tera boshladilar. — Oʻzbek tili darsligi

sft. 1. Soʻzlash qobiliyatidan mahrum; tilsiz; gapsiz-soʻzsiz. U

qop-qora yuzidagi oppoq soqolini silkitib: — Hayvon bezabon! — dedi. — M. Ismoiliy, Fargʻona tong otguncha

U menga bezabon jonivordek muomala qilar, gapirmas edi. — A. Muxtor, Asarlar

Bezabon kuylaydi sanʼatdan Luvr, Zukko xalq umriga qoʻshib qoʻsh umr. G. Joʻrayeva.

2. koʻchma Ot, hayvon.

Badaning qizlardan nozik, Bezabon, kelgin yuganga. — Gulixiromon

Oʻzining yurtiga yelday yeladir. Bezabon, bezabon! — Yoshlik

sft. Bezatilgan, bezalgan, naqshdor, ziynatli.

Shu bezakli, adil koshonaMehnatkashga chin rohatxona. — Shayxzoda

Sherimbek dadil borib, Bobur mingan boʻz otning oltin bezakli yuganidan oldi. — P. Qodirov, Yulduzli tunlar