Поиск

sft. Zulm, qahr, shafqatsizlik.

Falak bedodidin, doʻstlar, omon yoʻq. — Yoshlik

Ingliz qurollarin asriy javr-u bedodin, Qissalarda hissasin sharfik xalqlardan soʻrang. — Gʻ. Gʻulom

ot Arz-dodga hech kim quloq solmaydigan, adolatsizlik, qonunsizlik hukm surgan holat.

[Gʻofir qoziga:] Bu qanday zulm, bu qanday bedodlikki, sevgan xotinimni zolim boy tortib olmoqchi boʻlsa-yu,menga yordam berish oʻrniga, boyning yonini olasiz. — Hamza, Boy ila xizmatchi

Axir qanday bedodlik bu, Miyangizga urar qon, Qolmayotir bu dunyoda Na insof-u na vijdon. — A. Oripov

ot Yordamga chaqirib qilingan nola, arz-dod; shovqin-suron.

Safarqul daryodan oʻtib, Shirinilar qishlogʻiga yaqinlashganda qishloqdan chiqayotgan dod-bedod! va voydod! sadolari uni juda hayratga soldi. — S. Ayniy, Qullar

Kampirning dod-bedod i eshitildi. — S. Ayniy, Qullar

sft. Begʻam-betashvish aysh qilib yurish; xursandchilik, gasht (shu tarzda yuradigan shaxslarga nisbatan qoʻllanadi).

Taralabedod qilib yurmoq.

Qachon koʻrsang, taralabedod, xursand, xushchaqchaq. — Shuhrat, Shinelli yillar

Birovlarning sevgisini xor qilib, boshqa yor topib, tarallabedod qilib yuruvchilarning adabini berib qoʻyish kerak. — B. Rahmonov, Yurak sirlari

— Asadni yoshligidan bilgandim. Shirintomoq, maishatga suyagi yoʻq, tarallabedod, — dedi Kamol. — H. Nazir, Koʻkterak shabadasi