Qidiruv

ot 1. Taniqlik belgisi, biror narsaning ishorasi, ramzi boʻlgan, bayroq shaklidagi mato parchasi; vimpel.

Leytenant qizlarning qoʻliga bayroqchalar berib, u yoq bu yoqqa yoʻl koʻrsatishni oʻrgatyapti. I. Rahim, Chin muhabbat.

2. harb. Xaritada, harbiy mashgʻulot stoli yoki doskasida kichkina bayroq shaklida chizilgan yoki qadalgan belgi.

Muhim shaharlar xaritada bayroqchalar bilan koʻrsatilgan.

ot 1. Yogʻoch yoki metall dastaga, sim yoki chilvirga mahkamlangan, bir yoki bir necha rangli, davlat, tashkilot, uyushma, harbiy qism va shu kabilarga qarashlilikni ifodalovchi gerb, emblema va boshqa ramziy belgilar, bezaklar tasviri tushirilgan muayyan oʻlchamdagi mato; alam, yalov; tugʻ.

Davlat bayrogʻi. Diviziya bayrogʻi. Koʻchma bayroq. Bayroq oʻrnatmoq.

Oʻzbekiston Respublikasi Oliy Kengashining 1991 yil 18 noyabr va 1992 yil 3 iyulda boʻlib oʻtgan sessiyalarida Respublika Davlat bayrogʻi, Respublika Davlat gerbi tasdiqlandi. — Oʻzbekiston Respublikasi

Birdan uning koʻzi bayroq koʻtarib turgan bir toʻda paranjili xotinlarning suratiga tushdi. — S. Zunnunova, Olov

2. koʻchma Maqsad, gʻoya, yoʻl.

Tinchlik bayrogʻi. Ozodlik bayrogʻi, Mustaqillik bayrogʻi. Adolat bayrogʻi.

Buyuk orzu qovushtirgay xalqlar boshini, Buyuk orzu adolatni aylagay bayroq! — Yoshlik

Yosh Oybeklar bayrogʻini Koʻtaraylik balandga. Doʻstim, jonni baxsh etaylik Faqat ona Vatanga. — A. Oripov

3. maxs. Oʻzbek kulolchiligida keng qoʻllanadigan, bayroqqa oʻxshash bezak.

Sopol idishlarning chetlaridagi hoshiyaning baʼzi turi ham bayroq deyiladi. — OʻzME

sft. 1. Bayroqqa ega boʻlgan, bayrogʻi mavjud.

2. Bayroq bilan taqdirlangan, bayroq olishga sazovor boʻlgan.

Koʻchma bayroqli polk.

ot 1. Qoʻshin safida yoki namoyishchilar oldida bayroq koʻtarib boradigan shaxs.

Elmurod saf oldiga yugurib ketdi va bayroqdor bilan oʻrin almashdi. — P. Tursun, Oʻqituvchi

2. Bayroqcha bilan ishora qilib, biror yoʻlga yoki tomonga yoʻnaltirib turuvchi kishi.

Bayroqdorlar uchuvchiga nishon belgilab turishardi, buni endi bildi Qudrat. — H. Nazir, Soʻnmas chaqmoqlar

3. koʻchma Koʻzlangan maqsadni, ilgʻor gʻoya ni amalga oshirishda yetakchilik qiluvchi, oldinda namuna boʻlib boruvchi.

Xalqimiz tinchlik uchun kurash bayroqdoridir.

Ezgu niyatlarning bayroqdori deb, Seni sharaflaydi zamin-u zamon. — A. Oripov