Қидирув

от 1. ижт. Кишининг ўз фаолияти натижаларидан, ҳаётда қўлга киритган ютуқларидан тўла қониқиши, яшаш тарзидан мамнунлиги, муайян мақсадга етгани, орзу-умидининг ушалиши сифатида намоён бўладиган маънавий-ахлоқий тушунча.

2. Ҳаёт (турмуш)дан тўла мамнунлик ва беармонлик ҳолати; саодат, қут.

Меҳнат — бахт келтирар. Мақол.

Она-ер нафасига, меҳрига, инъомларига тўйиб яшашдан ортиқ бахт борми? — Саодат

3. Омад, толе; иқбол.

Уф, нима иш қилсам, кетга қараб кетади, холос, менинг бахтим қурсин. — Ҳамза, Туҳматчилар жазоси

— Ани шу қизлар сафида менга ҳам жой бордир, — деб ўйлади Адолат. — Бахтимни бир синаб кўрай-чи? — И. Раҳим, Чин муҳаббат

Ҳамма гап пешонада, тақсир Пешона шўр бўлгандан кейин, унда бахт гули унадими! — Ҳ. Ғулом, Машъал

сфт. 1. Ўз ҳаётидан мамнун, бахти кулган; бахтиёр.

Бахтли қиз.

Бундай бахтли ёшлик бир марта келадир. Завқини суриб қолинг, айланай. — П. Қодиров, Юлдузли тунлар

Илоҳим, бахтли бўл! Онангга, отангга раҳмат, сенга иш ўргатишибди. — Ойбек, Танланган асарлар

2. айн. Бахтиёр 2.

— Ҳа, майли, — деди хўрсиниб [Қирмизхон], — Сиз билан ўтказган онларимни шу нотавон умримнинг энг бахтли дамлари деб биламан. — Н. Аминов, Қаҳқаҳа

У бу уйда энг ширин, бахтли кунларини ўтказди. — С. Зуннунова, Кўк чироқлар

3. Толей баланд, омади бор, омадли.

Бахтли овчига чўлоқ кийик ёʻлиқар. — Мақол

Айланай, куёв бола, бахтли йигит экансиз, шундай одамларга ўғил бўлибсиз. — Муштум

сфт. 1. Бахтга эришмаган, бахти кулмаган, бахти қора.

Она боласининг бахтини кўролмай, бахциз бўлгани учун йиғлар эди. — М. Исмоилий, Фарғона тонг отгунча

Лоақал бу бахциз синглингиз учун биргина бош оғрицангиз-чи. — А. Қодирий, Ўтган кунлар

Бироқ Анвар ўқишда қанча бахтли бўлса, пешонада ўшанча бахциз эди. — А. Қодирий, Меҳробдан чаён

2. Ҳаёти кулфат, дард-алам билан тўлиб-тошган, турмуш лаззатидан бебаҳра, рўшнолик кўрмаган.

Болам, шу муштипар, шу бахциз онангнинг ярасига туз сепмасанг, юрак-бағрини қон қилмасанг, даданг келтирган хабарни айтаман. — Ойбек, Танланган асарлар

3. Бирор-бир кўнгилсиз ҳодисага учраган; бечора.

Муҳаммаджон сингари болалар, Абдуазиз ота сингари чоллар, кампирлар, ўлим тўшагида ётган беморлар, бахциз майиблар оз бўлганмикан? — А. Қаҳҳор, Олтин юлдуз

Нима, буни машина майиб қилибдимики, бахциз ҳодиса деса — К. Яшин, Ҳамза

Илҳомжон ўз одатига кўра, яна бахциз ҳодисалар, ўлим-йитим ҳақида гапира бошлади. — Н. Аминов, Қаҳқаҳа

сфт. 1. Ўз ҳаёти, толеидан мамнун, бахти кулган; бахтли, саодатманд.

Бахтиёр ўзбек халқи. Бахтиёр оила.

Бахмал қирғоқларни тўлдириб оқди Бахтиёр элимнинг қувончли саси. — Ғайратий

Ойқиз иссиқ юзини севимли эрининг кўксига қўйиб, қалби қувонч билан тўлиб-тошарди ва ўзини чиндан ҳам бахтиёр ҳис қиларди. — Ш. Рашидов, Бўрондан кучли

Хурсанд эди беҳад икки ёр, Хурсанд эди икки бахтиёр. — Ҳ. Олимжон

2. Ширин, беармон.

Бахтиёр ҳаёт.

У кунлар Назирқул учун энг бахтиёр кунлар эди. — С. Аҳмад, Ҳукм

Зокир унинг Наримон билан ўтказган бахтиёр дамларини унутолма-ётганини сезганда, жуда рашки келар ва жеркиб гапирарди. — П. Қодиров, Уч илдиз

3. Мамнун, шодон.

Қайғуси ёʻқ бирор кунни кўрмадим, Бирор соат мен бахтиёр бўлмадим. — Ҳ. Олимжо

Матқовул бахтиёр эди. Бугун қозон осиларди. — М. Исмоилий, Фарғона тонг отгунча

Аъзамжон бахтиёр, ўз хотинининг ҳуснидан маст эди. — С. Аҳмад, Уфқ

от кам қўлл. Бахтиёр ҳаётни, улуғ истиқболни мадҳ этувчи асар, ёдгорлик ва шу кабилар

Абдулла Орипов шеърияти ўзбек халқининг бахтномасидир.

Электрон ёки оддий почта орқали одатда нусхасини бошқаларга юбориш талаби билан бир неча олувчига жўнатиладиган, кўпинча диний-мистик мазмундаги хат. “Бахт хатлари” мазмуни вақт ўтиши билан ўзгариши мумкин, яъни уларда хатни бошқаларга юборишни ундовчи фикрлар кучайиб бориши мумкин.инглизчаchain letterрусчаписьмо счастья