от 1. Бир неча туп, замбарак ёки миномёт билан қуролланган артиллерия бўлинмаси.
Миномётлар батареяси. Зенит батареяси. Батарея командири.
Тепаликдаги батарея ўт очиши билан бир танк тутаб, кейин ёниб кетди. — И. Раҳим, Чин муҳаббат
2. Бир неча тўп, замбарак ёки миномёт жойлашган истеҳком.
Тепаликнинг чўққисида танкка қарши отадиган батарея пала-партиш ўқ узар эди. — А. Қаҳҳор, Олтин юлдуз
Танкларимиз душманнинг олдинги окопларидан ўтиб, танкка қарши отадиган батареяни тўпга тута бошлади. — А. Қаҳҳор, Асарлар
3. физ. Ўзаро бириктирилган бир неча галваник элемент, аккумулятор, конденсаторлардан иборат қурилма.
Аккумуляторлар батареяси. Чўнтак фонарининг батареяси.
Батарея ёʻқ, батарея бўлса, радиолани ҳам ишга солардик. — И. Раҳим, Ихлос
Чўлқуварлар батарея излаб, узоқ шаҳар ва раён марказларига қатнамоқдалар. — Газетадан
4. тех. Бир турдаги бир неча элемент бирикмасидан иборат бўлган қурилма.
Иситиш системасининг батареяси.
Етти йил мобайнида энг катта домналар, кокс батареялари, прокат станлари қурилди. — Газетадан
5. кимё. Батарея – биргаликда ишлаш учун маълум системада бирлаштирилган бир хил асбоблар, иншоотлар, ёки қурилмалар. Масалан, кокс олиш учун тошкўмирни қуруқ ҳайдайдиган печлар қатори – кокс батареяси; ичида совитувчи агент буғланадиган ёки совитиш эритмаси оқадиган қиррали ёхуд текис трубалар – совитувчи батарея. Батареяларнинг самарадорлигини ташкил қилувчи элементларнинг сонига пропорсионал бўлади.