ot 1. Bir necha tup, zambarak yoki minomyot bilan qurollangan artilleriya boʻlinmasi.
Minomyotlar batareyasi. Zenit batareyasi. Batareya komandiri.
Tepalikdagi batareya oʻt ochishi bilan bir tank tutab, keyin yonib ketdi. — I. Rahim, Chin muhabbat
2. Bir necha toʻp, zambarak yoki minomyot joylashgan istehkom.
Tepalikning choʻqqisida tankka qarshi otadigan batareya pala-partish oʻq uzar edi. — A. Qahhor, Oltin yulduz
Tanklarimiz dushmanning oldingi okoplaridan oʻtib, tankka qarshi otadigan batareyani toʻpga tuta boshladi. — A. Qahhor, Asarlar
3. fiz. Oʻzaro biriktirilgan bir necha galvanik element, akkumulyator, kondensatorlardan iborat qurilma.
Akkumulyatorlar batareyasi. Choʻntak fonarining batareyasi.
Batareya yoʻq, batareya boʻlsa, radiolani ham ishga solardik. — I. Rahim, Ixlos
Choʻlquvarlar batareya izlab, uzoq shahar va rayon markazlariga qatnamoqdalar. — Gazetadan
4. tex. Bir turdagi bir necha element birikmasidan iborat boʻlgan qurilma.
Isitish sistemasining batareyasi.
Yetti yil mobaynida eng katta domnalar, koks batareyalari, prokat stanlari qurildi. — Gazetadan
5. kimyo. Batareya – birgalikda ishlash uchun maʼlum sistemada birlashtirilgan bir xil asboblar, inshootlar, yoki qurilmalar. Masalan, koks olish uchun toshkoʻmirni quruq haydaydigan pechlar qatori – koks batareyasi; ichida sovituvchi agent bugʻlanadigan yoki sovitish eritmasi oqadigan qirrali yoxud tekis trubalar – sovituvchi batareya. Batareyalarning samaradorligini tashkil qiluvchi elementlarning soniga proporsional boʻladi.