sft. 1. Qaror topgan, qatʼiy, uzil-kesil oʻrnashgan; ustuvor.
Istiqlolimiz barqaror boʻlsin.
Baxting barqaror boʻlsin. — T. Toʻla.
Murodxon elga, mehnatkash xalqqa boʻlgan bu gʻamxoʻrlikda izchil va barqaror turadi. — Murodxon
2. Hech qanday oʻzgarish taʼsir etmaydigan, doim birdek turadigan; oʻzgarmas.
Barqaror valyuta. Hosilning barqaror boʻlishi uchun kurashaylik.
Xalqim, sensan ellarga Toʻkin dasturxon tuzgan, Neʼmating oʻzingga ham Barqaror boʻlsin, deyman. — A. Oripov
3. Bir yerda oʻrnashib qolgan; muqim.
Muharrir ikki yildan beri shu vazifada barqaror ekaniga xursand. — A. Qahhor, Sarob
Bahor yuzlaringda barqaror. — Guldasta
- Koʻngil barqaror boʻldi Koʻngil tinchidi, koʻngil taskin topdi. Muborak boshlariga humoyun qushi qoʻndi, koʻngillari barqaror boʻldi. — Oybek, Navoiy