Qidiruv

ot 1. Kuch-quvvatga kirganlik holati; tetiklik.

Choʻl havosidan toʻyib-toʻyib nafas olsang, tanangda bardamlik, yangi kuch paydo boʻladi. — Oʻzbekiston qoʻriqlari

Ulugʻ ishlarni bajarmoq uchun kuch-quvvat, sogʻlomlik, bardamlik va hushyorlik zarur boʻladi. — Gazetadan

2. Koʻchma Shijoatlilik, oʻziga ishonish-

lik. Qarashlarida hayotda oʻz mavqeyini toʻla aniqlab olgan xotinlardek ishonch, bardamlik mavjud. — Shuhrat, Shinelli yillar

Bosib oʻtgan hayot yoʻli ham uni [Roʻziboyni] bardamlikka oʻrgatdi. — Gazetadan

sft. 1. Kuch-quvvatga ega; kuch-quvvatini yoʻqotmagan, tetik.

Bardam chol. Bardam boʻlmoq.

Uyqusi butunlay tarqab ketgach, IAhmad] oʻzini juda tetik va bardam sezdi. — F. Musajonov, Himmat

Dadang Sherali qalay, bardammi? — Oydin, Hikoyalar

Vaqt xuftondan oʻtgandan keyinUmurzoq ota oʻzini ancha bardam his eta boshladi. — D. Nuriy, Osmon ustuni

2. Kuch-quvvat, gʻayrat, tetiklikdan darak beruvchi; gʻayrat, tetiklik bilan.

Bardam yurish. Bardam qadam.

Ota zalvorli tayogʻi-ni qorga niqtab bosib, bardam qadam tashlardi. — S. Anorboyev, Oqsoy

Mastura bardam qadam tashlab, operatsiya zalining eshigini oʻzi ochib kirib ketdi. — A. Qahhor

3. Ishonchga toʻla, shijoatli; sergak, hushyor.

Doimo umidim bardam boʻlsa ham, Baʼzan vasvasalar bosar dilimni. — F. Gʻulom

Uning yutuq va zafarlarga chorlovchi bardam ovozi jaranglab eshitilardi. — Gazetadan

Temir yoʻlning bahodir posbonlari — strelkachilar oʻz postlarida bardam turadilar. — Gazetadan

fl. Kuchga, kuch-quvvatga kirmoq; oʻzini tetik seza boshlamoq.

Sal bardamlashguncha bemorni uyida davolab turgan Habibaxon keyinchalik Toʻlgʻonoyni tugʻuruqxonaga keltirdi. — Gazetadan

Koʻk choyni ichib, Erkinning horgʻinligi chekinib, vujudi bardamlashdi. — Oʻzbekiston qoʻriqlari