Qidiruv

sft. 1. Oʻlchami, hajmi, katta-kichikligi, son-qiymati, harakati jihatidan bir xil, teng.

Boʻyi baravar devor. Baravar hajmli shishalar. Yoshi baravar bolalar. Baravar vaqt oraliqlari.

Bolaga oila ham, maktab ham baravar tarbiya berishi, odob-axloq oʻrgatishi kerak. — Gazetadan

Anvar har kim uchun sevimli va xushmuomalasi barchaga baravar edi. — A. Qodiriy, Mehrobdan chayon

Ikkala ot bir qiyomda, baravar qadam tashlab borar edi. — A. Qahhor, Asarlar

2. rvsh. Bir vaqtda, bir paytda; bir-biridan qolishmay.

Baravar ishlamoq. Baravar joʻnamoq. Oʻrnidan baravar turmoq.

U eshikdan kirganda, dahlizda oʻtirgan uch kishi baravar oʻrnidan turib salom berdi. — A. Qahhor, Qoʻshchinor chiroqlari

Karvon ketidan kelayotgan ikki sarboz orqadan eshitilgan nogahoniy chinqiriqdan baravar toʻxtashdi. — S. Karomatov, Soʻnggi barxan

3. Sanoq sonlar, shuningdek, “necha“, bir necha soʻzlaridan keyin kelib, shu miqdor darajasida qaytarilganlikni, karralilikni ifodalaydi.

Brigada hosildorlikni ikki baravar koʻtarishga muvaffaq boʻldi. — Oʻzbekiston qoʻriqlari

Knyaz suv pulini uch baravar oshirib yuboribdi. — A. Qahhor, Qoʻshchinor chiroqlari

[Otabek] uning [Kumushning] husndagina emas, aqlda va boshqada Zaynabdan necha baravar yuqorida ekanini angladi. — A. Qodiriy, Oʻtgan kunlar

Kutganidan bir necha baravar ortiq kaltak yegan dushman aql-hushidan ozayotgan edi. — N. Safarov, Olovli izlar

4. “Birga“, shuningdek maʼnolarini ifodalaydi.

Lekin shu bilan baravar, Mirzakarimboy Yoʻlchining butun siymosida katta jasorat va gʻurur sezdi. — Oybek, Tanlangan asarlar

Nuri bu yigit toʻgʻrisida koʻproq narsa bilishni istash bilan baravar, bu qizning unga munosabatini ochish kabi yashirin bir niyat bilan gapni chuvalatdi. — Oybek, Tanlangan asarlar

5. 3-shaxs egalik, joʻnalish yoki oʻrin-payt kelishigi shakllarida kelib, koʻmakchi vazifasida qoʻllanadi (baravarida).

1. ..menen barabar, ..menen birge

2. bálentliginde, teńliginde, dárejesinde

3. bir qiylı, teń

rvsh. 1. Bir vaqtda, paytda, baravar, bir-biridan qolishmay, birday.

Odamlar baravariga qarsak chalishar, Alimardonning raqibini olqishlashardi. — Oʻ. Hoshimov, Qalbingga quloq sol

— Kim? — ikkovlari baravariga soʻrashdi. — Oʻ. Hoshimov, Qalbingga quloq sol

2. kum. vzf. Oʻrniga, evaziga.

Ona-bola bir necha yillik mehnat baravariga kelgan isqirt oʻrikni oʻrtaga qoʻyib, xoʻrlik va haqorat alamidan achchiq-achchiq yigʻlashdi. — A. Qodiriy, Gʻirvonlik Mallavoy

Bir tanob yerdan oltmish pud paxta olib, naqd pul baravariga hukumatga topshiradi. — A. Qodiriy, Gʻirvonlik Mallavoy

ot 1. Teng, baravar ekanlik; tenglik.

Yoshimiz baravarligini endi bildim.

2. Ijtimoiy tenglik, tenghuquqlilik; adolat.

U [yetimcha] azonda turar, kech yotar edi. Uni xudo nomidan urishar va urar edilar. Mana endi oʻzingiz ayting-chi, jilovning hamma uchun baravarligi qayerda? — P. Tursun, Oʻqituvchi

U [Shokir] bu soʻzlari bilan oʻziga qarshi chiqqan va "hurriyat"dan soʻzlaydigan "boy bilan kambagʻallarning baravarligi"ni puchakka chiqargan edi. — S. Ayniy, Qullar

fl. Ikki yoki undan ortiq narsani hajmi, oʻlchami, kattaligi, miqdori jihatdan teng qilmoq; muvozanatga keltirmoq.

Qatimlarning uchini baravarlamoq. Tarozi pallalarini baravarlamoq.

1. (oʻzini teng qoʻymoq)sich messen, sich gleichstellen, sich nach j-m richten

2. mat. (teng boʻlmoq)gleich sein, gleichkommen, Macht, beträgt, ist gleich

3. harb. sich ausrichten

Baravarlash! Richt’ Euch!