sft. 1. Kuch-quvvati normal darajadan ortiq, zoʻr jismoniy kuchga ega boʻlgan; kuchga toʻla, kuchli.
Baquvvat odam. Baquvvat yigit. Baquvvat ayol. Baquvvat ot.
Mirzaboy jismonan ancha baquvvat edi. — Yoshlik
Togʻda gavdali, baquvvatlar kerak boʻladi, deb oʻyladi. — Shuhrat, Shinelli yillar
Bu erkak oʻzi suyanib turgan qoyadek dagʻal va baquvvat, quyoshdek issiq va huzurbaxsh edi. — Yoshlik
2. Organizm biror qismining sogʻlom, boʻliq va kuchga toʻlaligini ifodalaydi.
Baquvvat qoʻllar. Baquvvat tishlar. Baquvvat yelka. Baquvvat panja. Baquvvat soch.
Yigit supa oldida toʻxtab, xaltasini qoʻydi, uzun, baquvvat qoʻllarini cholga choʻzdi. — Oybek, Tanlangan asarlar
Zargarov baquvvat iyagini asta koʻtarib, kipriklarini pirpiratgancha Ziyodaga tikilib qoldi. — A. Muxtor, Asarlar
koʻkrak choʻntagidan tarogʻini olib, qunduzday baquvvat sochini taradi. — S. Anorboyev, Oqsoy
Yem yegan otlar baquvvat oyoqlarini kerib tashlab, qoʻsh kosilkani erkin sudrab ketdilar. — S. Anorboyev, Oqsoy
3. Pishiq, mustahkam.
Baquvvat ip. Baquvvat kursi. Baquvvat panjara.
Tojini amirzoda haramiga olib borishib baquvvat kursiga oʻtqazib, qoʻl-oyogʻini unga mahkam bogʻlashdi. — Mirmuhsin, Meʼmor
Dorobbek derazaning baquvvat temir panjaralaridan ichkariga moʻraladi. — D. Nuriy, Osmon ustuni
Hovlida bir uy, bir ayvon, yana bir hujra bor. Eski, ammo hali baquvvat. — Oybek, Tanlangan asarlar
4. Yaxshi oʻsgan, baravj, boʻliq, yoʻgʻon.
Yoʻngʻichqa siznikimi? Yosh ekan hali, juda baquvvat oʻsibdi. — Oybek, Tanlangan asarlar
Gʻoʻzaning hosildor shoxlari baquvvat, yetuk edi. — Oybek, Oltin vodiydan shabadalar
Tolning toʻgʻri oʻsgan baquvvat shoxlari xodacha oʻrnida islatiladi. — Gazetadan
Adil, baquvvat qaragʻaylar koʻzlarni beixtiyor oʻziga tortdi. — Oybek, Quyosh qoraymas
5. Harakatlantiruvchi katta kuchga ega, quvvatli.
Baquvvat motor. Baquvvat texnika. Baquvvat traktor.
6. koʻchma Badiiy jihatdan pishiq, mazmunli.
Dramatik poemada personajlar nutqi sheʼriy jihatdan baquvvat, aforizmga boy, hayajonli, taʼsirli boʻlishi kerak. — OʻTA
Baquvvat sheʼr kerak dastgoh vaznida. Azamat bolgʻaning har zarbi bir sheʼr. — A. Muxtor, Asarlar
Teatrning ham asosiy, ham kichik sahnasida bir necha baquvvat spektakllar koʻrsatildi. — OʻTA
7. Katta boylikka ega boʻlgan, badavlat, davlatmand; tayanchi, suyanchigʻi bor.
Tangriqul hoji baquvvat xoʻjalik edi. — A. Qahhor, Qoʻshchinor chiroqlari
— Tagi baquvvatmikin? — Baquvvatki, u yoq-bu yogʻi yoʻq. — Yoshlik
- Baquvvatmisiz? Hol-ahvol soʻrash, salomlashish, koʻrishishda aytiladi. — Baquvvatmisiz, otajon? — Alhamdulillo. Oybek, Tanlangan asarlar.Oʻzing salomatmisan? Oʻzing baquvvatmisan, Shokir? — Yoshlik
- Baquvvat tortmoq Kuchga kirmoq, kuchiga-kuch qoʻshilmoq. Mehnat bilan kishi qarimaydi, yetiladi, baquvvat tortadi. — Gazetadan
- Baquvvat qilmoq Kuch-quvvat bagʻishlamoq; suyanchiq, tayanch boʻlmoq. koʻkragimni isitib, belimni baquvvat qilib turgan xatni-ya! — I. Rahim, Chin muhabbat
- Beli baquvvat Boy, davlatmand. Eli baquvvatning beli baquvvat. — Qanotli soʻzlarShunday zamonda uning qiziga oʻn besh ming beradigan beli baquvvat topilarmikan? — P. Tursun, Oʻqituvchi
- Iligi baquvvat Sogʻlom, kuchli, zabardast. Iligi baquvvat ekan! — Oybek, Oltin vodiydan shabadalar
- Imoni baquvvat Maʼnaviy, axloqiy jihatdan barkamol; pokiza, halol. Imoningiz doimo baquvvat boʻlsin. — K. Yashin, Hamzagʻazal mulkining sultoni hazrat Alisher Navoiy va bular kabi aziz ulamo-yu fuzalolar musulmon, imoni baquvvat zotlar boʻlganlar. — K. Yashin, HamzaBaquvvat ekandir tanda imoning. — Yusuf va Ahmad