Қидирув

фл. 1. Ҳайрат ва таажжубдан, қўрқувдан ёки ғазабдан кўзларини катта очиб, чақчайиб қарамоқ, тикилмоқ.

Ҳа, маймун ўйнатяпманми, нега менга бақрайиб қарайсан? — Саодат

Ўтирган паранжили хотинлардан бири буларга ҳадеб бақрайиб қараган ёш қизчасини еталаб, четга чиқди. — А. Мухтор, Опа-сингиллар

Берироқда ўтирганлар нима ҳақида баҳс кетаётганига унча тушунолмай, бир-бирига бақрайишарди. — Ҳ. Назир, Кўктерак шабадаси

-Бақрайманг, мулла Муҳсин, — деди кулимсираб Хатиб домна — А. Қодирий, Ғирвонлик Маллавой

Боқижон оғзини очиб, бақрайиб қолди. — Ойбек, Олтин водийдан шабадалар

2. Кўзлари катта очилган ҳолда қотиб турмоқ.

Кейин кўзлари ўлган бузоқнинг кўзларидай бақрайиб қолди. — К. Яшин, Ҳамза

Сайд аввал бақрайиб турди-да, кейин Мадинанинг гапини тушунди. — Ойбек, Олтин водийдан шабадалар

фл. Бақраймоқ феълининг орттирма нисбати.

фл. Бақраймоқ феълининг биргалик нисбати.

фл. 1. Кўзларини катта очиб, чақчайтириб қараб туриб (ғазабдан ёки назар-писанд қилмагандай).

Ҳакимбойвачча Гулсумбибини куч билан силтаб тортди, кўзларини пиёладай бақрайтириб бобиллади: Бас, уяциз махлуқ! Ойбек, Танланган асарлар.

Акмал акам сал нарироқ турган бўлса ҳам майлига эди, кўзини бақрайтириб туриб сўрагани нимаси?Н. Фозилов, Қуш қаноти билан.

2. Кўзларини бир нуқтага тиккан ҳолда уйқусиз.

Айвонда кўзимни бақрайтириб ётибман-у, шуларни ўйлайман. Э. Раимов, Ажаб қишлоқ.