Қидирув

от эск. Майда-чуйда рўзғор моллари ва озиқ-овқат (мева, ширинликлар ва шу кабилар) сотувчи майда савдогар.

Сўз кўрки — мақол, Гузар курки — баққол. — Мақол

Ҳар йили ҳамалнинг ўнинчи куни шаҳардаги нуфузли баққоллардан бири етти хил кўкат, етти хил тармева солинган баркаш кўтариб саройга борарди. — С. Сиёев, Аваз

от 1. Баққол иши, касби, ҳунари.

Урганжиларнинг кўпчилиги баққоллик қиларди, шунинг учун уларни баққолон — баққоллар деб ҳам юритардилар. — С. Айний, Эсдаликлар

2. Баққол дўкони ва ўшандай дўконлар жойлашган раста.

[Ҳасанали] Узун кун уйида бекор зерикканлигидан, ҳожига айтиб, бирмунча дастмоя билан гузардан баққоллик дўкони очган эди. — А. Қодирий, Ўтган кунлар

от Баққол дўкони, баққоллик билан шуғулланиш жойи.

[Шерали] Етти йилдан сўнг саргардон бўлиб, балиқфурушларга хизмат қилиб, акасини ёд қилиб, бир чет бозорга келиб, бир баққолхонада ўтира бошлади. — Эрали ва Шерали

от айн. Баққоллик.

Матпано баққолчиликка ўтиб, бир белбоғ мева-чева олди. — С. Сиёев, Аваз

Бир қассоб дўкони; бунинг ёнига суқилган кичкина баққолчилик. — Ойбек, Танланган асарлар