fl. 1. Bahs (munozara)da qatnashib, har xil fikrlardan birini, xususan oʻz fikrini yoqlab soʻzlamoq; tortishmoq, talashmoq.
Botir yov kelganda bilinar, chechan — bahslashganda. — R. Jumaniyozov, Soʻz koʻrki — maqol
Yoshlik, sevgi-sadoqat haqida qizgʻin bahslashdilar. — Shuhrat, Shinelli yillar
Baʼzan toʻgʻri kelmay qolsa didimiz. Doʻstim, bahslashamiz, yonamiz lov-lov. — Shukrullo, Javohirlar sandigʻi
2. sprt. Musobaqalashmoq, gʻoliblik uchun kurashmoq.
Turnirda dastlabki toʻrt oʻrinni egallagan shashkachilar birinchi ligada bahslashish huquqiga ega boʻladilar. — Gazetadan