Қидирув

сфт. 1. фолк. Жисмонан қудратли, паҳлавон; девқомат.

Рустам баланд бўйли, кенг елкали, баҳодир йигит бўлиб етишибди. — Эртаклар

Баҳодирлар бу майдонда Туриш бермоққа ҳавасда. — Гулшанбоғ

2. Ҳеч нарсадан ҳайиқмайдиган, довюрак, ботир; ҳимматли.

Ватанпарвар, жанговар бўл, ҳушёр бўл, Баҳодир бўл, халқинг билан ҳамкор бўл. — Ҳабибий

Ҳосил жонкуярлари ва яйлов баҳодирлари сафида кўплаб марди-майдонлар бор. — Газетадан

3. кўчма Қудратли, улкан, азамат.

Бу ялтироқ кўзли, қоп-қора узун гавдали, пўлат баҳодир (поезд) ўз бағрида бутун бир ҳаёт олиб келмоқда. — П. Турсун, Ўқитувчи

4. Баҳодир (эркаклар исми).

от 1. Бирор нарсанинг пул билан ўлчанадиган қиймати; нарх.

Юқори баҳо. Паст баҳо. Чакана баҳо. Бозор баҳоси. Келишилган баҳо. Қатъий баҳо. Уйдаги нархни бозордаги баҳо бузар. — Мақол

Отимнинг ўмилдириғига уларнинг ҳаваси келиб, баҳосини сўрадилар. А. Қодирий, Кичик асарлар.

2. кўчма Аҳамият, моҳият, қадр-қиммат.

Бизда сувнинг баҳоси олтинга тенг.

3. Таълим тизимида ўқувчиларнинг билимни ўзлаштириши, ахлоқи ёки маълум ютуққа эришиш даражасига қараб қўйиладиган балл.

Беш баҳо. Қониқарли баҳо.

Энди мактаб бораман, Беш баҳони оламан. Онамни қувонтириб, Шоколадни оламан. — Бойчечак

Нутқи равон болаларнинг баҳолари кўпинча юқори бўлади. — Саодат

Бу баҳолар билан институтни орзу қилмаса ҳам бўларди. — С. Сиёев, Ёруғлик

от Жасурлик, мардлик, жасорат.

Бу соҳибжамол қиз [Бадиа] олдида от ўйнатиб, баҳодирлигини намойиш қиладиган худодод беклар қани? — Мирмуҳсин, Меъмор

Баҳодирлик даъво қилиб юрардим, Душманларга шўр ғавғолар солардим. — Маликайи айёр

Ёв ичига ёриб кирган жангчиларимиз мислсиз баҳодирлик кўрсатдилар. — Назармат, Жўрлар баланд сайрайди

айн. Баҳодирларча.

Баҳодирона жанг. Баҳодирона меҳнат.

Чўлқуварларнинг баҳодирона юриши улуғ адиб кўз олдида юз бераётган эди. — Ўзбекистон қўриқлари

от 1. Йилдаги тўрт фаслнинг бири, қишдан кейинги, ёздан олдинги фасл; кўклам (йилнинг март, апрель, май ойларига тўғри келади).

Эрта баҳор. Баҳор қуёши. Баҳор шамоли. Дарё сувини баҳор тоширади, Одам қадрини меҳнат оширади. — Мақол

У [Гулнор] бу кун шод, баҳор унинг нашасига нашъа, гўзаллигига гўзаллик қўшган. — Ойбек, Танланган асарлар

Баҳор жой танламас экан. — Ў. Ҳошимов, Қалбингга қулоқ сол

2. кўчма Ҳар нарсанинг (умрнинг, ҳаётнинг) яшнаган, камолга етган пайти, шундай чоғлар рамзи.

Умр баҳори. Ҳаёт баҳори. Севги баҳори. Яхши хотин — ҳамиша баҳор. — Мақол

Шу ердадир мардлик, жасорат, Шу ердадир ҳаёт баҳори. Ё. Мирзо, Ўғил меҳри.

Ахир ёшимиз кетяпти, умр баҳоримиз ўтиб, кузимиз яқинлашиб келяпти, Ҳаётхон! — М. Исмоилий, Фарғона тонг отгунча.

Ғуломжоннинг кўнглида яйраган қувонч баҳори кўзларида жавлон урди. — М. Исмоилий, Фарғона тонг отгунча

3. кўчма Умрнинг маълум қисми, муддати, ёши.

Бизнинг Нарзимиз ўзининг йигирманчи баҳорини худди шу Молдавия ерида қарши олди. — Н. Сафаров, Оловли излар

Бахтли қизим, мен ўйлаб боқсам, Икки баҳор кўрибди ёшинг. — Ё. Мирзо, Ўғил меҳри

4. кўчма Қувонч, шодлик, бахт.

Ишқингда мен баҳорлар топдим, Баҳор ичра наҳорлар топдим. — Ҳ. Олимжон

Сизда бўлган умид, ишончлар, Кунлар келар, яратар баҳор. — Ғайратий

5. кўчма Севги, муҳаббат; умид.

Кимнингдир кўнглида баҳор гуллади. Кимдир кимгадир интизор бўлди. — Ў. Ҳошимов, Қалбингга қулоқ сол

6. кўчма Севгили, маъшуқа, гўзал ёр.

Гуллаган баҳорим, сени севаман. — У. Исмоилов, Сайланма

Сўлдимикан гул чечакли баҳорим, Ҳам қишимдан, ҳам ёзимдан айрилдим. — Нурали

Хазон этмоқчи бўлмиш, ажратиб фасли баҳоримдан. — Гулдаста

7. Баҳор (хотин-қизлар исми).

от тар. 19-асрнинг ўрталарида Эрондаги бобийлар (бобийлик) ҳаракатининг давоми сифатида Ироқда вужудга келган диний-сиёсий оқим ва ушбу оқим тарафдори.