Qidiruv

fl. Bagʻillamoq feʼlining orttirma nisbati.

fl. Qancha-qancha aqlli mashinalar bagʻillab ishlab turibdi. J. Abdullaxonov, Toʻfon.

ot 1. Yoʻlovchining joʻnatish, tashish uchun tayyorlab qoʻygan yuki, umuman yuk.

Qoʻl bagaji. Bagajni topshirmoq. Bagajni olmoq.

2. Yoʻl transportining yoʻlovchilar yuki joylashtiriladigan joyi, boʻlmasi.

Naychi mashinasining bagajini ochib, ikkita oʻrtamiyona qovun olib, xotiniga tutqazdi. — Gazetadan

3. s. t. Koʻchma Bilim darajasi, saviya.

Ular [inspektorlar] boshqarishning yangi organlariga eski bagaj bilan kelgan, qishloq xoʻjaligining konkret tarmoqlarida chuqur bilimga ega boʻlmagan kishilardir. — Gazetadan

ot Soʻri yoki ishkomning poyasiga koʻndalang bogʻlanadigan yogʻochlar.

Qator ketgan ishkom. Hosilidan sim bagʻazlar qaddini arang koʻtarib turibdi. — Gazetadan

oʻsib chiqqan yangi novdalar yuqori bagʻazdan oshib, pastga — zaminga qarab oʻsa boshladi. — Gazetadan

ot kam qoʻll. Nuqson, ayb, kamchilik; bahona.

[Boy] He yoʻq-be yoʻq oʻshqiradi, har narsadan bagʻiz topib, bolalarni koyiydi. — H. Nuʼmon va A. Shorahmedov, Ota

ot Bir-biriga quloq solmay, tartibsiz ravishda shangʻillab gapirish, shunga oʻxshash shovqin.

Xullas, Bolalik uy — bozor deganlaridek, bu uyda bagʻ-bugʻ koʻp boʻlsa ham, gʻiybat yoʻq. — H. Gʻulom, Mashʼal

Bolalari koʻp, uyi bagʻ-bugʻ. — Oybek, Bolalik

— Ana xolos, — dedi Eʼzozxon, bolalarining bagʻ-bugʻidan qulogʻi bitib, — endi ishga ham yuborishmaydi bu girgittonlar. — H. Gʻulom, Mashʼal