ot
1.
zool.
Harakat qilish va sezish qobiliyatiga ega boʻlgan har bir tirik mavjudot; jonivor.
Umurtqali hayvon. Sutemizuvchi hayvonlar. Sudraluvchi hayvonlar. Vahshiy hayvonlar. Uy hayvonlari.
2.
Insondan boshqa har qanday jonivor.
Oʻrgatilgan hayvonlar. Hayvonot bogʻida hayvonlarning turlari ham, soni ham koʻp.
Olimovning hikoyasi bolalarning zehnida shunday taassurot qoldirdi: issiq bilan sovuq, qor bilan yomgʻir, suv bilan havo, oʻsimlik va hayvonlar — bularning hammasi tabiatdagi qazish, oʻyish, yemirish kuchlari hisoblanar ekan — H. Nazir, Soʻnmas chaqmoqlar
3.
koʻchma
Odati, qiligʻi, xatti-harakati va shu kabilar jihatdan hayvonga oʻxshashlikni, hayvonga nisbatli haqoratni bildiradi.
Odamning hayvoni kishi haqidan qoʻrqmaydi, kishi moliga koʻz olaytiradi. — Oybek, Tanlangan asarlar
— Shuncha yildan buyon men uning bunaqa qiliqlari borligini bilmas ekanman. Hayvonning oʻzginasi ekan-ku! — Mirmuhsin, Meʼmor
— Voy hayvonlar-yey! Tfu! — dedi-yu, shartta burilib chiqib ketdi. — S. Siyoyev, Otliq ayol
Ilgari oz-moz ichib, soʻng boʻldi hayvon oqibat. — H. Nuriy
- Ish hayvoni Minish, yuk tashish, yer haydash uchun foydalaniladigan toʻrt oyoqli jonivor; ot-ulov.
Quloqlarning ot-ulovlari, ish hayvonlari bugun-erta kolxoz hisobiga oʻtishi kerak. — P. Tursun, Oʻqituvchi
- Obi hayvon
