Қидирув

от 1. Бирор жойидан иккига тармоқланган.

Айри ёʻл. Айри ёғоч.

рўпарадаги баланд теракнинг айри шохида қағиллаб турган ола ҳаккага анграйиб қолган эди. — Н. Аминов, Ёлғончи фаришталар

2. сфт. кам қўлл. Бири-бирига зид, қарама-қарши.

Уларнинг гапи айри чиқди. Гапи билан иши айри чиқиб қоляпти.

3. кам қўлл. Бирга эмас, алоҳида, бўлак.

Дастурхонга гуручи айри, гўшти айри, моҳирлик ила тайёрланган палов келтирилди. — Ойбек, Нур қидириб

4. от Икки шохчали таёқ, ёғоч; тиргак.

Шафтоли шохларига айрилар қўйилди.

Баъзи кўзалар айри билан тираб қўйилган. — И. Раҳим, Ҳаёт булоқлари

5. от Беда, пичан, похол кабиларни кўтариш, ёйиш, тўплаш учун паншаха ўрнида ишлатиладиган икки шохли, узун сопли асбоб.

Ёғоч айри. Темир айри.

Майданников айрида бир қучоқ жавдар похол олиб келаётган эди. — М. Шолохов, Очилган қўриқ

1. Узига мустақил, алоҳида, якка.

Айрим хона. Айрим хўжалик. Айрим сўзларни ўзаро бириктириб, гап тузмоқ.

Бу масалани айрим ҳал қиламиз. — П. Турсун, Ўқитувчи

2. Баъзи, баъзи бир.

Раён газетаси ишнинг бориши ва айрим колхоз, бригада, ҳатто айрим одамларнинг қандай ишлаётгани тўғрисида тез-тез ёзиб турар эди. — А. Қаҳҳор, Қўшчинор чироқлари

сфт. кам қўлл. Бошқалардан фарқли равишда, бошқача, ўзгача.

Таассуфки, буни айричароқ тушунадиган савдо ходимлари ҳам учраб туради. — Газетадан

от 1. Бирга бўлмаган, алоҳида ҳолат.

2. Ўзгалик, бошқачалик.

3. Айрига мос, айри қилса бўладиган.

от Жудо бўлиш, жудолик ҳолати.

Айрилиқ ўлимдан қаттиқ. — Мақол

Гулнор бутун юраги билан Ёʻлчига мафтун, унинг кўксини севги ҳасрати ва айрилиқ лим-лим тўлдирган. — Ойбек, Танланган асарлар