Qidiruv

fl. 1. Rang-tusi, sifatini yoʻqotmoq, eskirmoq; oʻngmoq.

Aynigan eski gimnastyorkasi ham suvga chayqalganday jiqqa hoʻl. — Oybek, Oltin vodiydan shabadalar

2. Asl belgi-xususiyatini, sofligini yoʻqotmoq (nav, nasl va shu kabilar haqida).

Ilgarigi qizilurugʻ, bosvoldi qovunlar yoʻq. Hammasi aynigan. Nasl aynimasin desang, har uch yilda qoʻchqorni almashtir. — S. Ahmad, Yulduz

3. Sof (odatiy) holati yomon tomonga oʻzgarmoq.

Havo aynidi.

Zamona aynidi. — K. Yashin, Hamza

4. Isteʼmolga yaroqsiz boʻlmoq; buzilmoq (yegulik-ichkiliklar haqida).

— Yoʻq, — dedi onasi, — choy aynib qoladi, kelishgandan keyin damlarsan — Oydin, Oʻzidan koʻrsin

Tursunboy ota, echkining goʻshti aynib qolmasdan, xotiniga mushkulkushod oʻqitgani eshon ayani uyiga chaqirgandi. — S. Ahmad, Hukm

5. Toʻgʻri fikrlash, soʻzlash qobiliyatini yoʻqotmoq, shu jihatdan ahvoli ogʻirlashmoq.

Bemorning ahvoli durust edi, lekin kechga borib aynidi.

Bu aynigan cholni olib borib, zindonga solinglar. — Yusuf va Ahmad

6. Xulq-atvori, odob-axloqi jihatidan yomonlashmoq, yomon tomonga oʻzgarmoq; buzilmoq.

[Muzaffar Dadavoyga:] Vaqtida juda xursand boʻlganmiz! Siz bilan faxrlanganmiz. Ammo keyingi yillarda aynib qoldingiz, dimogʻingiz koʻtarilib ketdi, koʻzingizni yogʻ bosdi. — Uygʻun, Navbahor

7. Odob-axloq chegarasidan chiqib ketmoq, odob-axloq chegarasidan tashqari gaplarni gapira boshlamoq.

Buni qarang, yomgʻirda qolgan mushukning hidi keladi! — Aynima, aynima! — dedi yoʻgʻon bir tovush.— Yomgʻirda qolgan mushukni hidlab koʻrganmisan?A. — Qahhor, Qoʻshchinor chiroqlari

8. Fikrini, niyatini oʻzgartirmoq, niyatidan, soʻzidan qaytmoq.

— Oʻrtoq komandir tankist boʻlar emishlar,— dedi Tojixon kulib — Uchuvchi boʻlishdan aynibdilar. — A. Qahhor, Yillar

Arslonqul baʼzi ogʻaynilarini qidirmoqchi boʻldi, lekin yana aynidi. — Oybek, Navoiy

Hoji xola pulni koʻrdi-yu, yana aynib qolmasin deb, qoʻlidan yulib oldi. — M. Ismoiliy, Fargʻona tong otguncha.

9. Aloqani uzmoq, kechmoq.

Bizdan aynib, boshqa ishga oʻtib ketdi. Mijozlar aynib, kelmay qoʻyishdi.

1. o.sh. Narsa, hodisaga ishora qiladi; xuddi shu (oʻsha)

Ashula nihoyatiga yetdi. Lekin bir zumdan keyin yana ayni tovush parvoz qildi — Oybek, Tanlangan asarlar

Chol ayni savolni Matyunusga ham berdi — M. Ismoiliy, Fargʻona tong otguncha

Ayni kunlarda respublikamizning barcha viloyat va tumanlarida paxta terimi qizgʻin davom etmoqda — Gazetadan

2. yukl. Taʼkid-kuchaytirishni ifodalaydi; xuddi, rosa

Imtihon ayni qizigan kunlar edi — A. Qahhor, Sarob

Ayni payti. Temirni qizigʻida bosing, Qamchivoy! — Gʻ. Gʻulom, Mashʼal

1. mod.s. Oʻzi bogʻlanib kelgan soʻz bildirgan shaxs yoki narsani alohida qayd etadi; xususan.

[Yoʻlchi] Yormatni, ayniqsa, Gulsumbibini oʻylab, ularga achindi. — Oybek, Tanlangan asarlar

Qizning chehrasida Gulnorning ruhini koʻrdi: yuz bichimi, ayniqsa, koʻzlarining ichki maʼnosi va jilvasi Gulnorni yodlatdi. — Oybek, Tanlangan asarlar

2. Juda ham, gʻoyat darajada, benihoyat.

Atom energiyasidan foydalanishning istiqboli ayniqsa kengdir. — Fan va turmush

ot 1. kt. Aynan oʻxshashlik, bir xillik.

2. mat. Tarkibidagi barcha harfiy belgilarning hamma qiymatlarida ham buzilmaydigan tenglik.

Trigonometrik ayniyatlar.

fl. Aynimoq feʼlining orttirma nisbati.

ot 1. Bir maromda turmaydigan, oʻzgaruvchi, beqaror.

Aynimachi havo.

2. Bir fikrda qatʼiy turmaydigan, betayin, subutsiz.

ishchilar harakatining tepasiga har turli aynimachilarni va avantyuristlarni qoʻyishga urinib, doʻq-poʻpisani amalga oshirmoqdalar. — Gazetadan