Qidiruv

ot 1. Ish-harakat, voqea-hodisa, jarayon va shu kabilarning borishidagi oʻziga xos xususiyat; yurish-turish tarzi.

Sekretar havoning ravishini, noz va qiliqlarini oldindan sezishga intilar edi. — Oybek, Oltin vodiydan shabadalar

Har necha pok, porso ravish boʻlsang ham, oʻzingni tarif qilmagilki, hech kishi sening guvohligingni eshitmas. — Gazetadan

2. Usul, tarz, yoʻsin, shakl.

Baʼzi yangilikdan soʻng, u pultda joylashgan sariq rangdagi tugmani bosib qoʻyardi — ular bir oz oʻtmay yozma ravishda yetib kelishi kerak. — O. Moʻminov, Xiyobondagi uch uchrashuv

Sharq gʻazaliyotida goʻzallik oʻziga xos ravishda tarannum etiladi. — Gʻ. Salomov, Tarjima nazariyasi

Boʻlayotgan gaplar biron joyda yozma ravishda qayd qilinmasin. — S. Ahmad, Yulduz

3. tlsh. Ish-harakatning belgisini, paytini, oʻrnini, holatini, daraja va miqdorini bildiradigan soʻz turkumi.

Oʻrin-payt ravishi. Holat ravishi.

ot 1. Musiqa asboblarida (fortepyano, akkordeon va shu kabilarda) ularni harakatga keltirib, ovoz chiqarish uchun uriladigan plastmassa tugma yoki taxtacha.

[Munis] Goh xayolchan tebranib, pianinoning klavishlariga tikilib qolar va goho ilhomi zoʻr kelib, yana ashulasini davom ettirar edi. — Z. Fatxullin, Soʻnmas yulduz

2. Yozuv mashinkasi, telefon apparati va shu kabilar mexanizmlarda ularni ishlatish uchun barmoq bilan bosiladigan qismi, tugmasi.

[Mashinka] Chiqir-chiqir, shoʻx-shoʻx kuylab, Klavishi dik-dik oʻynab, Oq qogʻozga harf qoʻnar, Harf yigʻilib, jumla boʻlar. — Q. Muhammadiy.

Muolajani amalga oshiruvchi hamshira bor-yoʻgʻi bemor boshiga niqob tugmalarini taqib qoʻyish va asbob klavishini bosishnigina bilishi kifoya. — Gazetadan

sft. Atavizmga oid.

Atavistik hodisalar.

sft. Klavishi bor, klavishga ega.

Klavishli musiqa asbobi.

Matematiklardan oʻn kishi kosmik raketani loyihalash bilan bogʻliq boʻlgan vazifaning oʻn xil variantini klavishli hisoblash mashinalari bilan 7 oy hisoblab chiqishlari kerak edi. — Gazetadan

esk. kt. Yozuvchi, adib.

fl. Qavimoq feʼlining birgalik nisbati.