ot 1. Rivoj olish, oʻsish (oʻsimlik, daraxt kabilarga nisbatan).
Birinchi qadamda, birinchi boʻlib, Ekilgan chigitning avjini koʻrsam, Bitta tup gʻoʻzaning mavjini koʻrsam. — Yo. Mirzo
2. Eng yuqori(si).
Muborak Oʻzbekiston, osmon avjida parvozing. Muborak senga istiqlol, balandroq yangrasin sozing. — Voqif
Bu roman ijodining avj nuqtasini tashkil qiluvchi asar boʻlmogʻi kerak edi. — Gazetadan
3. mus. Kuy yoki qoʻshiqdagi eng yuqori nota.
Qizlar aytsa qoʻshiqni avjni talashib, Mastavaga qatiqday gapga tiqilar. — Gʻ. Gʻulom
Bu qoʻshiq goho avj pardalarda, goho pastroq ohanglarda jaranglab turadi. — Gazetadan
- Avj olmoq 1. Oʻsmoq, oʻsib rivojlanmoq. Koʻchat yaxshi avj olmayapti. Havo isishi bilan ekinlar avj ola boshladi.Qoʻshimcha oʻgʻitlangan gʻoʻzalar suvdan chiqqach, juda avj olib ketdi. — R. Azizxoʻjayev, Yashil chaylaFond bozori shakllanib, qimmatli qogʻozlar savdosi avj olyapti. — GazetadanDavlati xalqiga, xalqi davlatiga qayishgan mamlakatlardagina taraqqiyot avj oladi. — GazetadanInsoniyat qonunlarsiz yasholmaydi. Aks holda, uning huquqi poymol boʻladi, adolatsizlik avj oladi. — Gazetadan
- Avjiga chiqmoq (yoki avjiga minmoq) Yuqori darajasiga koʻtarilmoq, kuchaymoq. Oʻyin-kulgi, xursandchilik avjiga chiqyapti.Mamlakatda poraxoʻrlik kuchaydi, xon-beklar zulmi avjiga mindi. — J. Sharipov, Xorazm